विश्व खाद्य कार्यक्रमलाई आर्थिक अभाव : खाद्यान्नसहित अन्य सहयोग रोकिँदा करोडौँ व्यक्ति भोकमरीको जोखिममा

साउन १६, २०८० मंगलबार ६:५६:२३ | उज्यालो सहकर्मी

संयुक्त राष्ट्र सङ्घको विश्व खाद्य कार्यक्रम (डब्ल्यूएफपी) ले आर्थिक अभावका कारण विश्वभर नै सहयोग कटौती गर्न बाध्य भएको जनाएको छ ।

पर्याप्त सहायता रकम नपाउँदा विश्वभर खाद्यान्न र अन्य सहयोग कटौती गर्न बाध्य भएको डब्ल्यूएफपीले जनाएको छ । विगतको तुलनामा डब्ल्यूएफपीले दुई वर्षयता आधा मात्र सहायता रकम पाउँदै आएको छ । यसले भोकमरीको समस्या भएका थुप्रै देशका करोडौँ मानिस प्रभावित भएका छन् ।

डब्ल्यूएफपीका कार्यकारी उपनिर्देशक कार्ल स्काउले ८६ देशमध्ये ३८ वटामा विभिन्न सहायता कटौती भएको जानकारी दिनुभएको छ । केही देशमा सहयोग घटाउने क्रममा रहेको पनि उहाँको भनाइ छ । सहयोग कटौती हुने देशहरूमा अफगानिस्तान, सिरिया, यमन र पश्चिम अफ्रिकी देश छन् ।

डब्ल्यूएफपीको कार्यक्रम सञ्चालनका लागि अहिले २० अर्ब डलरको आवश्यकता रहेको तर, पछिल्ला वर्षमा प्राप्त सहायताअनुसार यसवर्ष १० देखि १४ अर्ब डलरसम्म सहायता अपेक्षा गरेको डब्ल्यूएफपीलाई उद्धृत गरी समाचार संस्था एपीले जनाएको छ ।

कोभिड महामारी र रुस–युक्रेन युद्धका कारण विश्वभर मानवीय सहायताको आवश्यकता बढेको छ । यो वर्ष ३४ करोड ५० लाख व्यक्ति खाद्य असुरक्षाको वर्गमा परेका छन् । करोडौँ मानिस भोकमरीको जोखिममा छन् ।

अर्थव्यवस्थामा मन्दी, जलवायु तथा वातावरणीय परिवर्तन, निरन्तर प्राकृतिक विपत्तिलगायतले पनि खाद्य सङ्कटको समस्यालाई थप बढाएको छ ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

विश्व खाद्य कार्यक्रमलाई आर्थिक अभाव : खाद्यान्नसहित अन्य सहयोग रोकिँदा करोडौँ व्यक्ति भोकमरीको जोखिममा

फाइल तस्बिर

तपाईको प्रतिक्रिया