प्रदेश ५ काे राजधानी भालुवाङमै हुनुपर्ने पक्षमा कांग्रेसका १० नेता

असोज १९, २०७७ सोमबार १९:५१:३९ | हेमराज शर्मा

दाङ – नेपाली कांग्रेसका १० जना नेताले ५ नम्बर प्रदेशको राजधानी भालुवाङ आसपासको देउखुरी उपत्यकालाई तोकेको भन्दै प्रदेश सरकारको निर्णयको स्वागत गरेका छन् ।

कांग्रेस केन्द्रीय समितिमा रहेका प्रदेश ५ बाट प्रतिनिधित्व गर्ने बालकृष्ण खाँड र चन्द्र भण्डारी बाहेकका सबै केन्द्रीय सदस्य भालुवाङ राजधानीको पक्षमा देखिएका हुन् । कांग्रेस केन्द्रीय सदस्य दीपक गिरीको नेतृत्वमा कपिलवस्तु पश्चिमका १० जना नेताले विज्ञप्ति निकालेर प्रस्तावकाे समर्थन गरेका हुन् ।

केन्द्रीय सदस्य गिरी किशोरसिंह राठौर, पार्वता डिसी चौधरी, शिला खड्का, डा. गोपाल दहित, मंगलप्रसाद थारु, योगेन्द्र चौधरी र कृष्ण किशोर घिमिरेले प्रदेश केन्द्र भालुवाङ तोक्ने निर्णय अत्यन्त उपयुक्त भएको बताएका छन् ।

प्रतिनिधि सभा सांसद समेत रहेका नेपाली कांग्रेस बर्दियाका सभापति सञ्जय गौतम र पूर्व राज्यमन्त्री हुनु भइसकेका रोल्पाका पूर्वसभापति अमरसिंह पुनले पनि भालुवाङको नाममा आफूहरुको पूर्ण समर्थन रहेको बताउनुभएको छ ।

संयुक्त विज्ञप्ति निकालेर उनीहरुले सुरुदेखि नै प्रदेशको केन्द्र भालुवाङ हुनुपर्छ भनेको स्मरण गराउँदै आएकोमा त्यही ठाउँलाई नै प्रदेश केन्द्र प्रस्ताव गरेकोमा प्रदेश ५ सरकारप्रति धन्यवाद व्यक्त गरेका छन् ।

सरकारी विज्ञ टोलीको सिफारिस, समन्यायिक विकास, प्राकृतिक स्राेतकाे न्यायिक वितरण, जनमतको कदर र सङ्घीयताको मर्म र भावनाअनुसार सबैलाई सुविधाजनक रहेको र सामरिक दृष्टिकोणले समेत अत्यन्त उपयुक्त रहेको भन्दै देउखुरीको भालुवाङलाई प्रदेशको राजधानी बनाउने प्रस्तावमा पूर्ण समर्थन रहेको उनीहरुले जनाएका छन् ।

यस विषयलाई कुनै पनि राजनीतिक दल तथा नेताहरुले व्यक्तिगत प्रतिष्ठाको विषय नबनाइ जनतालाई उत्तेजित बनाउने कार्य कहीँ कतैबाट नगराउन पनि उनीहरुकाे आग्रह छ ।

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्