पर्वतमा १ स्वास्थ्यकर्मीसहित थप २२ जनामा काेराेना सङ्क्रमण

असार ९, २०७७ मंगलबार २०:२६:५ | सन्तोष थापा

पर्वत – पर्वतमा मङ्गलबार एकैदिन २२ जना कोरोना सङ्क्रमित थपिएका छन् ।

पर्वत अस्पतालले दिएको जानकारी अनुसार एक जना स्वास्थ्यकर्मी, चार जना सर्वसाधारण र भारतबाट जिल्ला भित्रिएका १७ जनामा कोरोना सङ्क्रमण पुष्टि भएको हो ।

चार जना सर्वसाधारणहरुमा कुश्मा नगरपालिका ३ की ३१ र १७ वर्षीया महिला तथा ९ वर्षका बालक र कुश्मा नगरपालिका ८ का २८ वर्षीय युवक रहेका छन् । साथै पर्वत अस्पतालकी २८ वर्षीया स्वास्थ्यकर्मीमा पनि सङ्क्रमण पुष्टि भएको छ ।

प्रादेशिक जनस्वास्थ्य प्रयोगशाला पोखरामा गरिएको परीक्षणमा उनीहरुमा सङ्क्रमण पुष्टि भएको हो । चार जना नयाँ सङ्क्रमित व्यक्तिहरु यसअघि मणिपाल अस्पतालमा उपचारको क्रममा रहेका व्यक्तिका आफन्त र साथी हुन् ।

आज काेराेना पुष्टि भएका २२ सँगै पर्वतमा सङ्क्रमतिको सङ्ख्या ६८ पुगेको छ । जसमध्ये नाै जना स्वास्थ्यकर्मी रहेका छन् । सङ्क्रमितमध्ये आठ जना उपचारपछि निको भएर घर फर्केको जिल्ला अस्पताल पर्वतका निमित्त मेडिकल सुपरिन्टेन्डेन्ट डाक्टर शिशिर देवकोटाले जानकारी दिनुभयो ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सन्तोष थापा

पर्वतका उज्यालो सहकर्मी सन्तोष थापा त्यहाँको स्थानीय पत्रिकामा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्