घोराही बजारमा दैनिक उपभोग्य वस्तुको ‘होम डेलिभरी’

चैत १७, २०७६ सोमबार ९:४९:२५ | हेमराज शर्मा

दाङ –कोरोना भाइरसको सङ्क्रमणबाट बच्न दाङको सदरमुकाम घोराही बजार आज सोमबारदेखि पूर्णरुपमा बन्द गरिएको छ ।

घोराही उपमहानगरपालिका वडा नम्बर १४ को विपत् व्यवस्थापन समितिको आइतबार बेलुकी बसेको बैठकले घोराही बजारलाई चौबिसै घण्टा ‘लकडाउन’ गर्ने र दैनिक खाद्यवस्तु घरघरमा पुर्याउने निर्णय गरेको छ ।

बैठकले उद्योग वाणिज्य सङ्घ दाङसँगको समन्वयमा दाल, चामल, नुन र तेललगायतका दैनिक उपभोग्य वस्तु आमनागरिकको घरमै पुर्याउने व्यवस्था पनि मिलाएको छ ।

दैनिक उपभोग्य वस्तु खरिद गर्न प्रत्येक दिन बिहान ६ बजेदेखि ९ बजेसम्म पसलहरु सञ्चालन गर्दा बजारमा अनावश्यक भिडभाड भएको र यसले सङ्क्रमणको जोखिम बढेको भन्दै बजार पूर्णरुपमा बन्द गर्ने निर्णय गरिएको हो ।

निर्णयअनुसार आजदेखि सबै खाद्य पसलहरु पूर्णरुपमा बन्द भएको र उद्योग वाणिज्य सङ्घले घरघरमा सामान पुर्याउन सुरु गरेको छ ।

समितिका संयोजक एवं वडा नम्बर १४ का अध्यक्ष शक्तिराम डाँगीको अध्यक्षतामा बसेको बैठकमा नगरप्रमुख नरुलाल चौधरीसहित राजनीतिक दल र विभिन्न सरोकारवालाहरुको उपस्थिति थियो ।

अन्तिम अपडेट: मंसिर १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्