पर्वतको कुश्मामा विश्वकै दोश्रो अग्लो बञ्जीकाे सफल परीक्षण : वैशाखदेखि नियमित हुने

माघ १६, २०७६ बिहीबार १८:४८:३४ | सन्तोष थापा

काठमाण्डौ - पर्वतको कुश्मामा बनेको विश्वकै दोश्रो अग्लो बञ्जीको सफल परिक्षण भएको छ । पर्वतको कुश्मा र वाग्लुङको बलेवा जोड्ने गरि कालीगण्डकी नदीमा बनाइएको पुलमा बञ्जीको बिहीबार सफल परिक्षण भएको बञ्जी सञ्चालक कम्पनी द क्लिफ प्रालीका अध्यक्ष राजु कार्कीले जानकारी दिनुभयो ।

कालिगण्डकी नदीबाट पुलको उचाई २ सय २८ मिटर रहेको छ । ‘हामीले पुलबाट २०८ मिटरसम्म बञ्जी गर्छौं, २० मिटर ग्याप हुन्छ, अब हामी विश्वकै दोश्रो अग्लो बञ्जी बनेका छौं ।’अध्यक्ष कार्कीले उज्यालो अनलाइनसँग भन्नुभयो ।

यसको नियमित सञ्चालन आउँदो बैशाखदेखि हुने पनि कार्कीले बताउनुभयो । हाल विश्वकै अग्लो बञ्जी मकाउमा रहेको छ, जसकाे उचाई ७ सय ६४ फिट छ ।

हालसम्म स्वीट्जरल्याण्डको भरजस्का बाँधमाथि ७ सय २० फिट उचाईमा रहेको बञ्जीलाई दोस्रो अग्लो बञ्जी मानिँदै आएको छ । तर अब कुश्मामा ७ सय ४८ फिट अग्लो बञ्जी बनेकाले याे नै विश्वको दोश्रो अग्लो बञ्जी बनेको अध्यक्ष कार्कीले बताउनुभयो।

२०७३ सालदेखि निर्माण कार्य सुरु भएको बञ्जीसँगै रिसोर्ट पनि सञ्चालनको अन्तिम तयारीमा छ । २० करोड रुपैयाँको लागतमा बञ्जी र बाग्लुङ्गको बलेवामा २५ रोपनी क्षेत्रफलमा लभ कुश्मा रिसोर्ट बनाईरहेको कम्पनीले जनाएको छ ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सन्तोष थापा

पर्वतका उज्यालो सहकर्मी सन्तोष थापा त्यहाँको स्थानीय पत्रिकामा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्