राप्ती स्वास्थ्य विज्ञान प्रतिष्ठानले कार्तिक १ गतेदेखि सुत्केरी भत्ता बाँड्ने

असोज १६, २०७६ बिहीबार १६:४२:५ | हेमराज शर्मा

दाङ - घोराहीमा रहेको राप्ती स्वास्थ्य विज्ञान प्रतिष्ठानमा प्रसूति सेवाका लागि आउने महिलाहरुले पाउने सुत्केरी भत्ताकाे फेरि कार्यान्वयनमा आउने भएको छ ।

तत्कालीन राप्ती उपक्षेत्रीय अस्पताल स्वास्थ्य विज्ञान प्रतिष्ठानमा परिणत भएपछि बजेट रोकिएका कारण सुत्केरी भत्तासमेत वितरण हुन सकेको थिएन ।स्वास्थ्य मन्त्रालयले बजेट दिएपछि प्रतिष्ठानले कार्तिक १ गतेबाट प्रसूति सेवा लिन आउने महिलाहरुलाई सुत्केरी भत्ता दिने भएको हो ।

स्वास्थ्य मन्त्रालयबाट यसै हप्ता २ करोड रुपैयाँ बजेट निकासा भएको र त्यसै अनुसार आउँदाे कार्तिक १ गतेबाट सुत्केरी भत्ता दिइने राप्ती स्वास्थ्य विज्ञान प्रतिष्ठानका रजिष्ट्रार रामप्रसाद प्याकुरेलले जानकारी दिनुभयो ।

प्रतिष्ठानको शुल्क वृद्धि

राप्ती स्वास्थ विज्ञान प्रतिष्ठानले आफूले दिने ओपीडी र इमरजेन्सी शुल्क वृद्धि गरेको छ । यसअघि ओपीडी शुल्क २५ र इमरजेन्सी शुल्क ३० लिँदै आएकोमा कार्तिक १ गतेदेखि ओपीडी शुल्क ६० र इमरजेन्सी शुल्कमा ८० कायम गरेको छ ।

शुल्क वृद्धिसम्बन्धी रिटमा उच्च अदालत तुलसीपुर, दाङले रिट खारेज गरेर शुल्क हेरफेर गर्ने अधिकार प्रतिष्ठानलाई दिएपछि प्रतिष्ठानले नयाँ शुल्क कायम गरेको रजिष्टार प्याकुरेलले बताउनु भयो ।

अन्तिम अपडेट: मंसिर १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्