स्वर्गद्वारी आश्रमले जग्गा लिजमा दिएर आम्दानी जुटाउन थाल्यो

साउन १४, २०७६ मंगलबार १९:२०:५४ | हेमराज शर्मा

दाङ – एक हजार बिघाभन्दा बढी जग्गा भएर पनि आयस्ता नआउने भएपछि स्वर्गद्वारी आश्रमले जग्गा लिजमा दिएर आम्दानी जुटाउन थालेको छ ।

आश्रमले आफ्नो एकल स्वामित्वमा रहेको दाङ र देउखुरी उपत्यकाको २४ बिघाभन्दा बढी जमिन व्यक्ति र स्थानीय सरकारलाई लिजमा दिएको छ । जसबाट आश्रमलाई वार्षिक झण्डै ३२ लाख रुपैयाँ आउने गरेको स्वर्गद्वारी आश्रम घोराहीका लेखापाल गोविन्द न्यौपाने बताउनु हुन्छ ।

लिजमा दिएको जग्गामा घोराही उपमहानगरले सेवारखोला नजिक अटो भिलेज सञ्चालन गरेको छ भने घोराहीकै झिगौरामा व्यवसायीलाई राख्नका लागि संरचना निर्माण भैरहेको छ ।

देउखुरी उपत्यकामा रहेको जग्गा भने इँटा भट्टा सञ्चालनका लागि व्यक्तिलाई दिइएको छ । प्यूठानमा रहेको स्वर्गद्वारी मन्दिरमा चढाएको भेटी र जग्गाको भाडाबापतको यही रकमले अहिले आश्रमको सम्पूर्ण कार्य सञ्चालन हुँदै आएको छ ।

किसानले लगाएको जग्गाबापत आश्रमलाई बुझाउनु पर्ने सबै कुत बुझाए वार्षिक झण्डै ७० लाख रुपैयाँ उठ्नु पर्ने हो । तर अहिले वार्षिक झण्डै ८ लाख रुपैयाँ मात्रै उठ्ने गरेको आश्रमले जनाएको छ । यही अवस्था देखेपछि जग्गा लिजमा दिने निर्णयमा पुगिएको आश्रमले जनाएको छ ।

मोही नलागेको जग्गामा मात्रै अहिले स्वर्गद्वारी आश्रमले आफ्नो अधिकार प्रयोग गर्दै आएको छ । आश्रमको झण्डै ७ सय बिघा जग्गामा मोही रहेको छ ।

अन्तिम अपडेट: मंसिर २०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्