चट्याङबाट मृत्यु भएका बालकका परिवारलाई किरिया खर्च प्रदान

असार ११, २०७६ बुधबार १८:४६:१२ | हेमराज शर्मा

दाङ - दाङको राप्ती गाउँपालिका-३ मा मङलबार बेलुकी चट्याङ लागेर ज्यान गुमाएका तीन जना बालकको परिवारलाइ प्रति परिवार १ लाख १५ हजारका दरले राहत प्रदान गरिएको छ ।

चट्याङबाट ज्यान गुमाएकाका परिवारलाइ किरिया खर्च बापत राप्ती गाउँपालिका तथा जिल्ला प्रशासन कार्यालयले राहत प्रदान गरेका हुन् ।
राप्ती गाउँपालिका तथा जिल्ला प्रशासन कार्यालय दाङको दैवी प्रकोपमा मृत्यु भएकाको परिवारलाई तत्काल राहत दिने योजना अनुसार राहत प्रदान गरिएको हाे । योजना अनुसार राप्ती गाउँपालिकाले मृतकका परिवारलाई प्रति मृतक १५ हजारका दरले र जिल्ला प्रशासन कार्यालय दाङले १ लाखका दरले राहत उपलब्ध गराएको हो ।

राहत उपलब्ध गराउँदै राप्ती गाउँपालिकाका अध्यक्ष नुमानन्द सुवेदीले घटनाले सबै दुःखी भएको र मृतक बच्चाहरुको आत्माको चिर शान्तिको कामना गर्दै गाउँपालिका र जिल्ला प्रशासन कार्यालयको राहत सहयोगको रकमले बच्चाहरुको किरिया खर्च र बच्चाहरुका कुनै सम्झना योग्य काम गर्न अनुरोध गर्नुभयाे ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्