सार्वजनिक जग्गा हडपेर निर्माण भएका घर भत्काउन उच्च अदालतको आदेश

जेठ ९, २०७६ बिहीबार ८:४:२ | हेमराज शर्मा

दाङ – उच्च अदालत तुलसीपुर दाङले सार्वजनिक जग्गा हडपेर निर्माण भएका घर भत्काउनका लागि आदेश दिएको छ ।

तुलसीपुर उपमहानगरपालिकाले सडक ओगटेर निर्माण गरिएका संरचनाहरु भत्काउनका लागि सार्वजनिक सूचना जारी गरेपछि स्थानीयहरुले उपमहानगरपालिकालाई विपक्षी बनाएर उच्च अदालत तुलसीपुरमा मुद्दा हालेका थिए । त्यसपछि उच्च अदालतले अन्तरिम आदेश जारी गर्दै संरचना नभत्काउन आदेश दिएको थियो ।

उच्च अदालतले फैसला गर्दै उपमहानगरपालिकालाई संरचना भत्काउनका लागि बाटो खुला गरेको हो । स्थानीयका तर्फबाट मोहनप्रसाद धिताल र उपमहानगरपालिकाका तर्फबाट वामदेव शर्माले गरेको बहसमा अदालतले घर भत्काउन बाटो खुला गरेको हो ।

‘निवेदकहरुले भोगचलन गरेको भनेको घर जग्गामा निजहरुको कानुन बमोजिम हक स्थापित भै दर्ता श्रेष्ता कायम भएको भन्ने निवेदन लेखबाटै देखिन नआएको अवस्थामा यस अदालतबाट अन्तरिम आदेश निरन्तरता दिन मिलेन’ मुख्य न्यायाधीश नहकुल सुवेदीले जारी गरेको आदेशमा उल्लेख छ ।

उपमहानगरपालिकाले संरचना भत्काउन सूचना जारी गरेपछि वैशाख २९ गते सार्वजनिक जग्गामा बस्न पाउनुपर्ने भन्दै स्थानीयले मुद्दा हालेका थिए । अदालतले संरचना नभत्काउनका लागि जारी गरेको अन्तरिम आदेशलाई निरन्तरता नदिने भएपछि यसै साता उपमहानगरपालिकाले संरचना भत्काउने तयारी गरेको छ ।
त्यस क्षेत्रमा पहिलो चरणमा १७ ओटा घरहरु भत्काइने तुल्सीपुर उपमहानगरपालिकाका मेयर घनश्याम पाण्डेले जानकारी दिनुभयो ।

अन्तिम अपडेट: मंसिर १९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्