समाचार प्रभाव : आमाले ‘अब मलाई पनि भेट्दैन होला’ भनेपछि मलेसियाबाट फर्किए रामप्रवेश

जेठ ५, २०७६ आइतबार १८:२२:२५

दुर्गाप्रसाद भट्टराई ।

सर्लाही – मलेसिया गएर सम्पर्कविहीन भएका सर्लाहीको बरथहवा–१३ का रामप्रवेश यादव घर फर्किनुभएको छ । मलेसिया गएको दुई वर्षपछि परिवारसँग सम्पर्कविहीन भएका रामप्रवेश उज्यालो अनलाइनमा आमाको पीडासहितको खबर प्रकाशित भएपछि घर फर्किनुभएको छ ।

गएको वैशाख २९ गते उज्यालो अनलाइनमा रामप्रवेशकी आमाले मलेसिया गएको छोरा उतै सम्पर्कविहीन भएकाले आफ्नो अनुहार देख्न पाउँदैन होला भन्दै गुनासो गरेको खबर प्रकाशित भएको थियो ।

खबर प्रकाशित भएको भोलि पल्ट रामप्रवेश काम गर्ने कम्पनीका ‘म्यानेजर’ ले देखेपछि उहाँलाई घर जान भनेका थिए । म्यानेजरले ‘घर गइनस भने आमाको मुख देख्न नपाउलास’ भनेपछि आफू घर फर्किएका रामप्रवेशको भनाई छ ।

रामप्रवेशले आफूसँग पैसा नभएकाले सँगै काम गर्ने साथीहरुले टिकट काटेर घर फर्किन सघाएको बताउनुभयो ।

घरजम गरिदिएपछि म मरे पनि केही हुन्न : कलावतीदेवी

बुवाको निधन हुँदा पनि नफर्किएको छोराले आफ्नो पनि लास भेट्दैन कि भन्ने चिन्ता थियो ६५ वर्ष पुग्दै गरेकी रामप्रवेशकी आमा कलावतीदेवीलाई । तर समाचारले गर्दा छोरा घर आइपुगेपछि उहाँको खुशीको सीमा छैन ।

‘तपाईंहरुले समाचार लेखिदिएकाले मेरो छोरा सकुसल घर आईपुग्यो त्यो भन्दा बढि के चाहियो र ?’ कलावतीले आइतबार दिउँसो भन्नुभयो, हात खुट्टा बलिया छँदैछन । यति भएपछि अब यतै कमाएर खान सकिहाल्छ नी ।’

छोरा हराउँदा चिन्ताले थलिएकी कलावतीदेवीलाई अब छोराको बिहे गरिदिने रहर छ । ‘बिहे गरिदिन पाए त सास गए पनि केही छैन’ कलावतीदेवीले भन्नुभयो ।
रामप्रवेशका बुवा महेन्द्र पनि यही चाहनुहुन्थ्यो ।

तर कमाउन गएका रामप्रवेशले उहाँलाई नै बिर्सिदिएपछि उहाँको त्यो चाहना पुरा भएन । छोरा सम्पर्कविहीन भएकै बेला उहाँ बित्नुभयो । तर कलावतीदेवी अब श्रीमानको त्यो सपना पुरा गरिदिने सोचमा हुनुहुन्छ ।

यो पनि पढ्नुहोस् ।

‘बुवा बित्दा मलेसियाबाट नफर्केको छोरोले अब मलाई पनि भेट्दैन होला’

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्