सञ्चार माध्यममा पसेको भाइरसकाे उपचारका लागि 'मिडिया काउन्सिल विधेयक' : मुख्यमन्त्री पोखरेल

जेठ १, २०७६ बुधबार १४:५१:५२ | हेमराज शर्मा

दाङ - प्रदेश ५ का मुख्यमन्त्री शंकर पोखरेलले सञ्चारमाध्यममा भाइरस पसेकोले उपचारका लागि 'मिडिया काउन्सिल विधेयक' ल्याइएको बताउनुभएको छ । उहाँले केन्द्र सरकारले ल्याएको मिडिया काउन्सिल विधेयकलाई सरकार र सञ्चार माध्यमबीचको समन्वयमा टुंगोमा पुर्‍याउनु पर्ने धारणा राख्नुभयाे ।

दाङको घोराहीमा रहेको रेडियो मध्यपश्चिम ९१ थोप्लो ४ मेगाहर्जको १३ औं स्थापना दिवसको अवसरमा आयोजित कार्यक्रमलाई सम्बोधन गर्दै उहाँले भन्नुभयो, 'मिडियालाई बलियो र सक्षम बनाउने जिम्मेवारी राज्यको हो र मिडियामा भाइरस पस्यो भने त्यसको उपचारका लागि मिडिया काउन्सिल विधेयक ल्याइएको हो ।'

मिडियालाई सक्षम, बलियो बनाउने राज्यको भूमिका भएको बताउँदै उहाँले मिडियामा भाइरस पस्दा त्यसले मिडियालाई असर गर्ने बताउनुभयो । उहाँले भन्नुभयो, 'मिडियामा भाइरस पस्यो भने त्यसको उपचार खोज्ने कि नखोज्ने, त्यो भाइरसले मिडियालाई पनि असर गर्छ कि नाइँ ?'

मिडियामा छिर्ने भाइरसको रक्षाको लागि भाइरसको उपचार गर्न खोजेको उहाँले प्रस्ट पार्नुभयो । 'राज्य मिडियासँग टक्कर गरेर अघि बढ्नै सक्दैन र स्वतन्त्र मिडियाबिना लोकतन्त्र बलियो हुन सक्दैन', उहाँले भन्नुभयो ।

'मिडिया काउन्सिल विधेयक' राज्यले मार्फत प्रेस स्वतन्त्रामाथि अंकुश लगाउन खाेजेकाे भन्दै नेपाल पत्रकार महासंघ चरणवद्ध आन्दाेलनमा उत्रिएकाे छ ।

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्