दाङमा दुई हप्तामा ३७ ठाउँमा वन डढेलोः १ हजार ५ सय हेक्टर वनक्षेत्र नष्ट

वैशाख २७, २०७६ शुक्रबार १६:३३:४२ | हेमराज शर्मा

दाङ - पछिल्लो दुई हप्तामा दाङका ३७ स्थानका वनमा डढेलो लागेर १ हजार ५ सय ४८ हेक्टर वनक्षेत्रमा क्षति पुगेको छ ।

डिभिजन वन कार्यालय दाङका अनुसार ३६ वटा सामुदायिक वन र एउटा रािष्ट्रय वन क्षेत्रमा आगो लागेको छ । चुरे र महाभारत क्षेत्रमा वन डढेलोको धेरै लागेको डिभिजन वन कार्यालय दाङका सहायक वन अधिकृत एंव सूचना अधिकारी खिमबहादुर केसीले जानकारी दिनुभयो । दाङका एक दर्जन बढी वन क्षेत्रमा अहिले पनि आगो लागिरहेको छ ।

यो वर्ष घोराही उपमहानगरपालिका र बबइ गाउँपालिकाको चुरे वन क्षेत्रमा वन डढेलो बढ्दो छ । डढेलाेबाट वनस्पति र वन्यजन्तु नाश भएको छ । बढ्दो गर्मीका कारण एक ठाउँमा डढेलो लाग्ने र तीव्र हावाले डढेलो फैलाउने भएकाले नियन्त्रणमा लिन अप्ठेरो भएको डिभिजन वन कार्यालयको भनाइ छ ।

वनमा रहेको खर कागज उद्योगले लैजान बन्द गरेकाे र सचेतनाको अभावका कारण वन डढेलो फैलिएको वन डिभिजन कार्यालय दाङले जनाएको छ ।

वन डढेलो फैलिएर गाउँमा पस्दा वनको बीचमा रहेको घोराही उपमहानगरपालिका-१, को मालेगाँउ र सिरुखर्कका दुइ दर्जनभन्दा बढी घरगोठ जलेर नष्ट भएका छन् ।

अन्तिम अपडेट: मंसिर १९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्