जिल्ला समन्वय समिति दाङका प्रमुखले गरे वडाध्यक्षको कार्यकक्षमा तालाबन्दी

चैत २१, २०७५ बिहीबार १६:१३:४१ | हेमराज शर्मा

दाङ - आफूलाई जानकारी नदिइ जिल्ला समन्वय समिति परिसरको भवन प्रयोग गरेको भन्दै समन्वय समिति दाङका प्रमुख जितेन्द्रमान नेपालीले घोराही उपमहानगरपालिका वडा नं-१५, को कार्यालयमा तालाबन्दी गर्नुभएको छ ।

जिल्ला समन्वय समितिको परिसरमा रहेको भवन जिल्ला समन्वय अधिकारी कृष्णप्रसाद गौतम र घोराही उपमहानगरपालिकाका प्रमुख प्रशासकीय अधिकृत सन्तबहादुर सुनारबीच सहमति गरी वडा कार्यालयका रुपमा प्रयोग गरिएको थियो ।

टिन लगाइएको सामन्य खालको उक्त खाली भवन दुवै कार्यालयका प्रशासकीय अधिकृतबीचको समन्वयमा वडा कार्यालयले केही समय अघिदेखि प्रयोग गर्दै आएको बिहीबार आयोजित पत्रकार सम्मेलनमा वडा नं १५ का वडा अध्यक्ष रमेश कुमार पाण्डेले जानकारी दिनुभयो ।

वडा कार्यालयले जानकारीबिना आफू अनुकूल नै भवन प्रयोग गरेको हुँदा तालाबन्दी गरिएको प्रमुख नेपालीको भनाइ छ । भवन वडाध्यक्षको कार्यकक्षका रुपमा प्रयोग गरिँदै आएको वडा कार्यालयले जनाएको छ ।

जिल्ला समन्वय समिति दाङका प्रमुख जितेन्द्रमान नेपाली नेकपाबाट प्रमुख बन्नु भएको हो भने घोराही उपमहानगरपालिका वडा नं १५ का वडा अध्यक्ष रमेशकुमार पाण्डे नेपाली कांंग्रेसबाट निर्वाचित हुनुहुन्छ ।

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्