गढवा गाउँपालिकामा प्रहरी र स्थानीय नागरिकबीच झडप, ८ जना घाइते

असार १, २०७५ शुक्रबार १७:४९:१४ | हेमराज शर्मा

दाङ – गढावा गाउँपालिका–६, गढवामा प्रहरी र स्थानीयबसिन्दाबीच झडप भएको छ ।

झडपमा २ प्रहरीसहित १० जना घाइते भएका छन । जबरजस्ती करणीको आरोपमा पक्राउ परेका गढवा ६ का एक युवकको रिहाईको माग गर्दै स्थानीयबसिन्दाले प्रहरीमाथि ढुङ्गा मुढा गरेपछि प्रहरी सइ कमल आचार्य र प्रहरी हवल्दार दौलतसिह बुढाल घाइते भएको इलाका प्रहरी कार्यालय गढवाका प्रहरी प्रमुख पञ्चलाल गोलेले जानकारी दिनुभयो ।

झडपलाई नियन्त्रण गर्न प्रहरीले लाठ्ठी चार्ज र २ सेल असुर ग्याँस प्रहार गर्दा ८ स्थानीय नागरिक घाइते भएका छन्।

केटी पक्षकाले गएको जेठ २७ गते जबरजस्ती करणी गरेको भन्दै किटानी जाहेरी दिएपछि प्रहरीले आरोपित युवकलाई पक्राउ गरी मुद्दा दर्ता गरेपछि आरोपित युवकलाई बलजफ्ती फसाइएको भन्दै स्थानीयबासिन्दा आन्दोलनमा उत्रिएका हुन् ।

३ महिना अघि केटा–केटीले प्रेम बिवाह गरेको र पछि केटी पक्षले केटी फिर्ता लगेर अहिले जबरजस्ती करणीको मुद्दा दर्ता गरेको केटा पक्षले जनाएका छन् ।
झुठा मुद्दा फिर्ता गरी युवकलाई रिहा नगरे गढवा बजार नै बन्द गरेर प्रहरीका बिरुद्धमा आन्दोलन थाल्ने स्थानीयबासिन्दाले जनाएका छन ।

अन्तिम अपडेट: मंसिर १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्