विश्वविख्यात तबला वादक उस्ताद जाकिर हुसैनको निधन

पुष १, २०८१ सोमबार १२:४०:५२ | एजेन्सी

विश्वविख्यात तबला वादक उस्ताद जाकिर हुसैनको निधन भएको छ । अमेरिकाको सान फ्रान्सिस्कोको अस्पतालमा ७३ वर्षीय हुसैनको आज बिहान निधन भएको हो ।

फोक्सोसम्बन्धी रोगको उपचारका क्रममा उहाँको अस्पतालमै निधन भएको भारतीय सञ्चारमाध्यमले जनाएका छन् । पछिल्लो समय स्वास्थ्य खराब हुँदै गएपछि उहाँलाई आईसीयूमा राखेर उपचार भइरहेको उहाँका परिवारलाई उद्धृत गर्दै बीबीसीले लेखेको छ । हुसैनको निधनको खबर आएसँगै श्रद्धाञ्जलीको ओइरो लाग्न थालेको छ ।

उहाँको निधनले सितार र तबलालगायतका वाद्यवादन क्षेत्रमा अपूरणीय क्षति पुगेकाे छ । उस्ताद जाकिर १९८८ मा पद्मश्री पदकद्वारा विभूषित हुनुभएको थियो । त्यसपछि उहाँले २००२ मा पद्मभूषण र २०२३ मा पद्म विभूषण पाउनुभएको थियो । तीबाहेक उहाँले दर्जनौं अवार्डहरू पाउनुभएको छ ।

सन् १९५१ मार्च ९ मा भारतको मुम्बईमा जन्मिएका जाकिरका पिता अल्लाहरक्खा कुरैशी पनि तवला बादक हुनुहुन्थ्यो । उहाँका श्रीमती र दुई छोरी छन् ।

अन्तिम अपडेट: पुस १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

विश्वविख्यात तबला वादक उस्ताद जाकिर हुसैनको निधन

तस्बिर : एजेन्सी

तपाईको प्रतिक्रिया