इजरायलबाट प्रधानमन्त्रीलाई पत्र : युद्धको चपेटामा परेर ज्यान गुमाउन छैन, देश फर्कने वातावरण बनाइदिनुस् !

असोज २२, २०८० सोमबार ११:४५:२३ | उज्यालो सहकर्मी

इजरायलको युद्धग्रस्त क्षेत्रमा अलपत्र परेका नेपाली विद्यार्थीले आफूहरुलाई उद्धारको लागि अपिल गर्दै प्रधानमन्त्रीलाई पत्र लेखेका छन् ।

कास्कीको अन्नपूर्ण गाउँपालिका घर भई अहिले इजरायलमा रहेका सुरज भण्डारीले नेपाल फर्कने वातावरण बनाइदिन आग्रह गर्दै प्रधानमन्त्रीलाई पत्र लेख्नुभएको हो ।

उहाँले सामाजिक सञ्जाल फेसबुकमार्फत पत्र लेख्दै सरकारले उद्धार गर्छ भन्ने विश्वासमा आफूहरूको सास रोकिएको उल्लेख गर्नुभएको छ ।

उहाँ कृषि वन विज्ञान विश्वविद्यालयबाट इजरायल जानुभएको हो । कृषि विश्वविद्यालयबाट १ सय १९ जना, त्रिभुवन विश्वविद्यालयबाट ९७ जना र सुदूरपश्चिम विश्वविद्यालयबाट ४९ जना विद्यार्थी इजरायल गएको तथ्याँक छ ।

सुदूरपश्चिम विश्वविद्यालयबाट गएका १० जना विद्यार्थीको ज्यान गएको पुष्टि भैसकेको छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)