विदेशबाट दैनिक पाँच सय जनाको मात्रै उद्धार हुने, काठमाण्डौकै क्वरेण्टीनमा बस्नुपर्ने

 साउन २७, २०७७ मंगलबार १७:२७:५२ | उज्यालो सहकर्मी
unn.prixa.net

काठमाण्डौ – सरकारले अब दैनिक अधिकतम पाँच सय जना नेपालीलाई मात्रै विदेशबाट उद्धार गरेर स्वदेश ल्याउने भएको छ । 

मङ्गलबारको मन्त्रिपरिषद्को बैठकले सरकारले अनुमति दिएको र सम्बन्धित देशमा रहेको कुटनीतिक नियोगको सिफारिसमा दैनिक तीन सय जना मात्रै र वैदेशिक रोजगार कल्याणकारी कोषबाट खर्च बेहोर्ने गरी दैनिक दुई सय जनासम्म गरी दैनिक अधिकतम पाँच सय नेपाली स्वदेश ल्याउने गरी उडान गर्न अनुमति दिएको हो । 

यसरी देश फर्किएका नेपालीलाई काठमाण्डौमै तोकिएको स्थानमा क्वरेण्टीनमा राख्ने र सङ्क्रमणमुक्त भएको प्रमाणपछि मात्रै घर पठाउने निर्णय भएको छ । क्वरेण्टीनको व्यवस्था काठमाण्डौका तीन जिल्लाले गर्नेछन् ।

स्वदेश फर्किएको पाँचदेखि सात दिनभित्रमा पीसीआर परीक्षण गर्ने र सङ्क्रमणमुक्त भएको पुष्टिपछि मात्रै घर पठाउने व्यवस्था गर्न पनि मन्त्रिपरिषद्ले निर्देशन दिएको छ । 

2 Comments

  • शिव राम पराजुली

    Aug. 12, 2020, 8:27 p.m.

    सरकारले किन ठोस निर्णय लिन नसकेको होला? कहिले होम क्वारेन्टाइन त कहिले स्थानीय निकाय मा क्वारेन्टाइन मा राख्ने भन्ने अनि फेरि अहिले काठमाण्डौ मै बस्नु पर्ने निर्णय सरकार ठोस निर्णय गरेर अघि बढ्ने की?

  • Ghanahari dahal

    Aug. 11, 2020, 6:56 p.m.

    क्वरेन्टिनमा बस्दा विदेशवाट ल्याएको लगेजको राख्ने व्यवस्था छ कि छैन, पछि हरायो वा टुटफुट भयो भने के गर्ने ? विदेशवाट दु:ख गरेर ल्याएको सामान राख्ने व्यवस्था छ कि छैन, कि सामान घर लान पाइन्छ ??

तपाईको प्रतिक्रिया

समाचार

लोकप्रिय

१

एनपीएलको उद्घाटन खेलकाे सबै टिकट बिक्री, ३३ लाख रुपैयाँभन्दा धेरै आम्दानी

२

युक्रेनद्वारा रुसमाथि अमेरिकी क्षेप्यास्त्र आक्रमण

३

दुर्गा प्रसाईंलाई थुनामुक्त गर्न सर्वाेच्चद्वारा अस्वीकार

४

उत्तर र दक्षिण कोरियाको सीमावर्ती क्षेत्रमा 'लाउडस्पिकर' युद्ध चर्कियो

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

सीप नसिकी विदेश जाँदा पछुतो भयो, अब त बिना सीप जान्न भो

विदेशको काम, सीप भए हुन्छ सुरक्षा र राम्रो दाम

मेरो कथा मेरो भोगाई