डोटीमा पाइँदैन खुद्रा मूल्यमा रिचार्ज कार्ड

कात्तिक २६, २०७५ सोमबार १३:४२:१९ | विमल बिष्ट

डोटी – डोटीका ग्रामिण भेगहरुमा नेपाल टेलिकम र एनसेलका प्रिपेड रिर्चाज कार्डहरुको अधिकतम खुद्रा मूल्यमा भन्दा पनि मनपरि रकम लिने गरेको पाइएको छ ।

जिल्ला सदरमुकामभन्दा बाहिर रहेका सबैजसो ग्रामिण भेगहरुमा व्यापारीहरुले अधिकतम खुद्रा मूल्यभन्दा १० देखि २० रुपैयाँसम्म बढी लिने गरेको प्रयोगकर्ता (ग्राहक) हरुको गुनासो छ ।

बोगटान, जोरायल, पूर्वीचौकी, पश्चिम चौकीलगायतका सडक यातायातको सुविधा पुगेका क्षेत्रहरुमा पनि अधिकतम खुद्रा मूल्यभन्दा बढी रुपैयाँ लिने गरेका छन् । रिर्चाज कार्डहरुमा अधिकतम खुद्रा मूल्य प्रष्ट उल्लेख गरेको भए पनि व्यापारीहरुले बेवास्ता गर्दै नियम विपरीत ग्राहकसँग बढी रकम असुल्ने गरेका छन् ।

कुनै पनि सामानमा तोकिएको खुद्रा मूल्यमा उपभोक्ताले उपभोग गरुन्जेलसम्मको लाग्ने सम्पूर्ण शुल्क समावेश गरिएको हुने भए पनि व्यापारीहरुले त्यसविपरीत कार्य गर्दा पनि यहाँको स्थानीय प्रशासनका तर्फबाट कुनै पहल नभएको जोरायलका स्थानीय दिपक कामीले बताउनुभयो ।

जोरायलका स्थानीय नागरिक निर्मल साहुले एक व्यापारी राम साहुलाई ‘तपाईँले तोकिएको भन्दा बढी मूल्य किन लिनु भएको ?’ भनेर सोध्दा उनको जवाफ यस्तो थियो, ‘कैलालीबाट रिचार्ज कार्ड यहाँ पु¥याउनका लागि गाडीको भाडा लाग्छ । सबैले यही मूल्यमा लग्दै आएका छन् । तपाईँलाई रिर्चाज कार्डमा तोकिएको खुद्रा मूल्यमा नै चाहिन्छ भने जहाँ पाइन्छ त्यहीँ किन्नु होला ।’

‘आफूलाई अनिवार्य कार्ड चाहिएको हुन्छ । गाउँको कुरो जति भने नि तिर्नै प¥यो’, उहाँले भन्नुभयो, ‘हाम्रो पीडा कसले बुझ्ने ।’ यहाँको स्थानीय प्रशासनले रिचार्ज कार्डमा मनपरि मूल्य लिएको विषयमा अहिलेसम्म कसैले पनि उजुरी नगरेका कारण आफूहरुले केही गर्न नसकेको दावी गरेको छ ।

अन्तिम अपडेट: मंसिर १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विमल बिष्ट

विमल बिष्ट डोटीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्