भैली खेल्न हिँडेकी किशोरीलाई बन्धक बनाई पटक–पटक बलात्कार, एकजना पक्राउ

कात्तिक २६, २०७५ सोमबार ११:१८:२७ | सुमित्रा कोइराला

उदयपुर – देउसी–भैलो खेल्न हिँडेकी १७ वर्षीया किशोरीलाई बन्धक बनाई बलात्कार गरेको आरोपमा उदयपुरमा एकजना युवा पक्राउ परेका छन् । पक्राउ पर्नेमा जिल्लाको त्रियुगा नगरपालिका वडा नम्बर –९ सयपत्री टोल बस्ने वर्ष २० का प्रेम राया रहेको जिल्ला प्रहरी कार्यालय उदयपुरले जानकारी दिएको छ ।

रायाले गएको २२ गते आफन्तको घरमा लगेर किशोरीलाई बन्धक बनाएर रातभरी बलात्कार गरेको आरोप छ । उनलाई यही आरोपमा प्रहरीले गएको २३ गते पक्राउ गरेको जिल्ला प्रहरी कार्यालय उदयपुरका डीएसपी अर्जुन रानाभाटले बताउनुभयो ।

बन्धक बनाइएकी किशोरीलाई ज्यान मार्ने धम्की दिँदै पटक–पटक बलात्कार गरेको उजुरीमा उल्लेख छ । उजुरी पीडितका आफन्तहरुले शनिबार जिल्ला प्रहरी कार्यालयमा दर्ता गराएका छन् । पक्राउ परेका रायालाई अनुसन्धानका लागि जिल्ला प्रहरी कार्यालय उदयपुरमा राखिएको छ ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुमित्रा कोइराला

सुमित्रा कोइराला उदयपुरका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्