सर्लाहीमा हिजो भएको झडपमा ज्यान गुमाएका साहको शव अझै घटनास्थलमै

पुष २१, २०८० शनिबार १४:३५:२० | रामबाबु खड्का

काठमाण्डौ – सर्लाहीको बरहथवामा हिजो भएको झडपमा ज्यान गुमाएका जयशंकर साहको शव घटनास्थलमै रहेको छ । स्थानीले गोली हान्ने प्रहरीलाई कारबाही हुनुपर्ने लगायतका माग राखेर शव उठाउन नदिएपछि साहको शव घटनास्थलमै रहेको हो । शव उठाउने विषयमा जिल्ला प्रशासन कार्यालय र नगरपालिकाले पहल नगरेको स्थानीयको आरोप छ ।

बरहथवामा अहिले पनि प्रदर्शन चलिरहेको छ । जिल्ला प्रशासन कार्यालय सर्लाहीले शान्ति सुरक्षा कायम राख्न भन्दै लगाएको निषेधाज्ञालाई प्रदर्शनकारीले अवज्ञा गरेका छन् । प्रदर्शनकारीले नयाँरोड मधुवनी सडक खण्डको बरहथवामा अवरोध गरेर सडक बन्द गरेका छन् । घटनाबारे छलफल गर्न अहिले जिल्ला प्रशासन कार्यालय सर्लाहीमा सर्वपक्षीय बैठक बसिरहेको बरहथवा नगरपालिकाकी मेयर कल्पना कुमारी कटुवालले जानकारी दिनुभयो ।

स्थानीयले बरहथवाको नगर अस्पताल प्रदेश सरकारलाई हस्तान्तरण गरी प्रादेशिक अस्पताल कायम गर्नुपर्ने, प्रहरीको गोली लागि ज्यान गुमाएका जयशंकर साहको नाममा प्रादेशिक अस्पतालको नामकरण गरिनुपर्ने, मृतकलाई शहीद घोषण गरी क्षतिपूर्तिको व्यवस्थापन गरिनुपर्ने, गोली प्रहार गर्ने प्रहरी र आदेश दिने प्रहरी अधिकृतलाई निलम्बन गरी कारबाही गरिनुपर्ने र बरहथवा नगरपालिका मेयर कटुवालले राजीनामा दिनुपर्ने माग राखेका छन् ।

माग पूरा नभएसम्म शव नउठाउने स्थानीयको अडान छ । नगर अस्पतालको स्वामित्व विवादमा हिजो भएको प्रदर्शनका क्रममा भएको झडपमा परि साहको ज्यान गएको हो ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

रामबाबु खड्का

रामबाबु खड्का सर्लाहीका उज्यालो सहकर्मी हुन् ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्