अर्घाखाँचीमा नरभक्षी चितुवालाई यसरी पासोमा पारियो

कात्तिक २४, २०७५ शनिबार १६:२६:५ | प्रेमनारायण आचार्य

अर्घाखाँची – नरभक्षी चितुवाको आक्रमणले आतंकित बनेका अर्घाखाँचीका स्थानीयहरु चितुवा पासोमा परेपछि खुसी भएका छन ।

चितुवा पासोमा परेपछि ढिकुरा, नुवाकोट, सन्धिखर्क, खाँचीकोटलगायतका स्थानीयहरु अत्यन्तै हर्षित भएका छन् । पासोमा परेको चितुवा हेर्न सयौँ मानिसहरुको भिड लागेको थियो ।

गएको शनिबार साँझ नरभक्षी चितुवाको आक्रमणबाट ढिकुराको पियालेमा ४ वर्षीय बालकको ज्यान गएपछि नरभक्षी चितुवा मार्न प्रहरी परिचालन गरिएको थियो । स्थानीयहरुले चितुवा पासोमा पार्न पियाले खोलामा बाघ खोर (पासो) थापेका थिए । त्यही पासोमा चितुवा परेको हो ।

पासोमा परेको चितुवा उद्धारको क्रममा मरेको छ । उद्धारको क्रममा मरेको पोथी चितुवा अन्दाजी ३५ केजी, लम्बाइ एक सय २४ सेन्टी मिटर, उचाइ ६० सेन्टीमिटर र कम्मरको गोलाइ ५४ सेन्ट मिटर रहेको जिल्ला वन कार्यलयकी सहायक वन अधिकृत शीला पोख्रेलले बताउनुभयो ।

चितुवा नभेटिएपछि तीन ठाउँमा फलामे खोर बनाएर राखिएको थियो । त्यही खोरमा शनिबार दिउँसो चितुवा परेपछि स्थानीय खुसी भएका छन् । खोरमा परेकोे चितुवा नरभक्षी चितुवा हो, होइन भन्ने परीक्षणका लागि जिल्ला डिभिजन वन कार्यालयमा ल्याइएको प्रहरी नायव उपरीक्षक नवराज मल्लले जानकारी दिनुभयो ।

जिल्लाका विभिन्न स्थानमा चितुवाको आक्रमण नरोकिएर चितुवा आतङ्कले जिल्लावासी त्रसित भएपछि चितुवा मार्न सशस्त्र प्रहरी र नेपाल प्रहरी र वनका सुरक्षकर्मीसहित ४५ जना सुरक्षाकर्मी पनि परिचालन गरिएको थियो ।

नरभक्षी चितुवाले पछिल्लो पाँच वर्षमा अर्घाखाँचीमा दुई दर्जन बालबालिकालाई आक्रमण गरेको छ । जस्का कारण १८ जनाको ज्यान गएको छ । ६ जना घाइते उपचार पछि निको भएका छन ।

चितुवा आतंक बढ्दै गएपछि सन्धिखर्क, किमडाँडा, अर्घा, खाचिकोट, ढिकुरा, नुवाकोट, लगायतका स्थानीय बासिन्दा त्रसित भएका छन्

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

प्रेमनारायण आचार्य

प्रेमनारायण आचार्य अर्घाखाँची उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्