अमेरिकाद्वारा युक्रेनलाई १५ करोड अमेरकी डलरको सैन्य सहायताको घोषणा

कात्तिक १०, २०८० शुक्रबार १९:४७:५९ | एजेन्सी

काठमाण्डौ – अमेरिकाले रुसविरुद्ध लड्न हतियार र उपकरण सैन्य सहायता प्याकेजअन्तर्गत युक्रेनलाई १५ करोड अमेरिकी डलर सहयोग गर्ने घोषणा गरेको छ ।

अमेरिकाको विदेश मन्त्रालयको विज्ञप्तिमा भनिएको छ, ‘अमेरिकी सरकार एउटा नयाँ प्याकेजमा हतियार र उपकरणहरूको घोषणा गर्दछ जसमा हवाई रक्षा, तोपखाना, ट्याङ्क र अन्य क्षमताहरू समावेश छन् ।’

‘हतियार र उपकरणहरूको यो नयाँ प्याकेजमा हवाई रक्षा, तोपखाना, एन्टी–ट्याङ्क र अन्य क्षमताहरू समावेश छन् जसले रुसी आक्रमणहरूविरुद्ध आफ्नो क्षेत्रको रक्षा गर्ने युक्रेनको क्षमतालाई अझ बढाउने छ, युक्रेनले रुसी सेनाहरू विरुद्ध आफ्नो जवाफी हमलालाई जारी राखेको छ,’ अमेरिकी विदेशमन्त्री एन्टोनी ब्लिङ्केनले बिहीबार जारी गर्नुभएको एक विज्ञप्तिमा भनिएको छ, ‘युक्रेनको सेनाले रुसी सेनाद्वारा कब्जा गरिएका क्षेत्रलाई पुनः प्राप्त गर्नका लागि बहादुरीपूर्वक लडिरहेको छ र यो अतिरिक्त सहयोगले उनीहरूलाई प्रगति जारी राख्न सहयोग गर्नेछ, यो प्याकेजले युक्रेनका लागि पूर्वनिर्देशित उतारचढावअन्तर्गत घोषणा गरिएको १५ करोड अमेरिकी डलरको हतियार र उपकरण प्रदान गर्दछ ।’

अमेरिकाले युद्धग्रस्त युक्रेनका लागि आफ्नो सहयोग दोहोर्याउँदै अमेरिका र उसका सहयोगी मुलुकहरूले रुसले आफ्नो सेना फिर्ता नगरेसम्म युक्रेनलाई सहयोग जारी राख्ने बताएको छ ।

‘रुसले यो युद्ध शुरु गरेको थियो र ऊ कुनै पनि समय युक्रेनबाट आफ्नो सेनालाई फिर्ता बोलाएर र आफ्नो क्रुर हमलालाई रोकेर यसलाई समाप्त गर्न सक्छ, रुसले निर्दोष मानिसलाई मारिरहेको छ,’ विज्ञप्तिमा भनिएको छ, ‘जबसम्म यस्तो हुँदैन अमेरिका र हामीले बनाएको ५० भन्दा धेरै मुलुकहरूको गठबन्धन युक्रेनको पक्षमा उभिनेछ र हामी युक्रेनलाई उसको भविष्य सुरक्षित बनाउन सहयोग गर्नका लागि कांग्रेससँग काम जारी राख्नेछौँ ।’

अगस्ट १४ मा अमेरिकाले युक्रेनका लागि २० करोड अमेरिकी डलरको सुरक्षा सहयोग घोषणा गरेको थियो ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्