दुई महिनादेखि सार्वजनिकरूपमा नदेखिएका चिनियाँ रक्षामन्त्री बर्खास्त

कात्तिक ८, २०८० बुधबार ८:१९:० | एजेन्सी

दुई महिनादेखि सार्वजनिक मञ्चमा नदेखिएका चिनियाँ रक्षामन्त्री ली साङ्फु औपचारिक रूपमा बर्खास्त हुनुभएको छ । उहाँलाई हटाउनुको कारण खुलेको छैन ।

नयाँ रक्षामन्त्रीका रुपमा अहिलेसम्म कसैलाई पनि घोषणा गरिएको छैन । यसै हप्ता बेइजिङमा विदेशी रक्षा अधिकारीहरूलाई चीनले स्वागत गर्ने तयारी गरिरहेको छ । यही समयमा रक्षामन्त्रीलाई औपचारिक रुपमा हटाएको चीनको समाचार संस्था सीसीटीभीले उल्लेख गरेको छ ।

रोयटर्सले गएको महिना गरेको एक रिपोर्टअनुसार रक्षामन्त्री ली उपकरण खरिद र विकाससम्बन्धी भ्रष्टाचारको अनुसन्धानमा तानिनुभएको थियो । उहाँ गएको अगस्ट १५ तारिखमा रुसको मस्कोमा आयोजित एक सुरक्षा सम्मेलनमा सहभागी हुनुभएको थियो । त्यसको दुई दिनपछि बेलारुस सरकारले बेलारुसका राष्ट्रपति अलेक्जेन्डर लुकासेंकोसँग मिन्स्कमा भएको भेटवार्ताको तस्बिर सार्वजनिक गरेको थियो ।

त्यस्तै, अगस्ट २९ तारिखमा लीले बेइजिङमा आयोजित अफ्रिका पिस एन्ड सेक्युरिटी फोरममा मुख्य प्रवचन दिनुभएको थियो । तीन महिनामा चीनमा दुई जना मन्त्री बर्खास्त भएका छन् । गएको जुलाईमा तत्कालीन विदेशमन्त्री छिङ काङ बर्खास्तीमा पर्नुभएकाे थियाे ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्