पालिका उपचुनाव : कहाँ–कहाँ भइरहेको छ मतदान ?
मंसिर १६, २०८१ आइतबार
खेल रसियामा, भिडन्त नेपालमा!
व्यंग्य
बेसीबाट बेसारको बोरा बोकेर बेसार बाजे बसमा चढे । बेसारको धुलोले शिरदेखि पैतलासम्म पूरै पहेंलपुर । लुगा र शरीर समेत पहेंलो भएका बेसार बाजेलाई देखेर बसको पछिल्तिर रहेका ठिटाहरु गलल्ल हाँसे ।
– सुड्डो त पुरै ब्राजिलको फ्यान पो रैछ त ।
–जर्सी मात्र हो र, हेर न जुँगा पनि पहेंलै पो छ त बुढाको ! हाहाहा.....।
‘ए बाजे, सिधै ब्राजिलबाट आएको हो ?’ एउटा ठिटाले सोध्यो ।
‘बाजुरा हैन बाबु, तल बेसीबाट आएको, शहर जान’ बेसारको बोरा समाउँदै बाजेले जवाफ फर्काए ।
‘नेइमारले नै दान दिएजस्तो छ लुगादेखि पोकासम्म सुड्डोलाई’ अर्को बोल्यो ।
‘त्यो नेपाने मोराको कुरा नगर है बाबु हो । अस्ति एक मानो बेसार लिएर गएको पैसा त दिएको छैन । त्यस्तै लोभीले दिन्छ नि लुगा’ ठिटाहरुले नेइमार भन्दा बुढाले गाउँकै छिमेकी न्यौपाने सुनेछन् ।
‘ए सुड्डोले के भन्छ यार । नेइमार भनेको, नेपाने पो भन्छ त ! ए बुढा तिमी ब्राजिलको फ्यान हैन ?’ फेरि अर्को केटो बोल्यो ।
अघिल्तिर सिटमा पहेंलो जर्सी लगाएर बसेका अर्काथरी ठिटाहरु बोले, ‘ओइ केटा हो कसलाई थर्काएको । ती बेसार बेच्न हिँडेका बाजेलाई किन जिस्क्याउँछौं । तागत भए यता आओ ।'
‘ए जोगीहरु पनि रैछन् त त्यहाँ । हेर हुलै बाँधेर माग्न हिँड्या जस्तो छ । कमण्डलु त देखिएन नि । हाहाहा’ अर्जेन्टिना समर्थक ठिटाहरुले जिस्क्याए ।
‘ओई कसलाई जोगी भनेको ? बाटोमा फालेको डीडीसीको दूध प्याकेट टिपेर टेलरमा सिलाएर जर्सी बनाएजस्तो छ । फूर्ति गर्छौ !’ ब्राजिलका समर्थक झन् के कम ।
‘हेर केटा हो देख्दै जण्डिस लागेको पहेंले बेसारेहरु भन्दा त यही राम्रो छ’ अर्जेन्टिनाका समर्थक किन झुक्थे र ।
‘खुब राम्रो ! त्यस्ता छिर्केबिर्के लुगा के काम ? एकपटक बल हानेर लडेपछि मैलो भएर कुन टिमको हो भनेर चिन्नै मुश्किल पर्ने’ ब्राजिलका समर्थक गल्लल हाँसे ।
‘ल ल नकराओ धेरै । तिमीहरुका नेइमार भन्दा त हाम्रै मेस्सी हेन्डसम छ’ अर्जेन्टिनाको ठिटाले फूर्ति लगायो ।
‘धेरै नखोक मुलाहरु । हेर हामी त फुटबलको बादशाह । पेलेको देश, फुटबलको देश । पाँचपटक त विश्वकप नै जितिसकेको छ’ ब्राजिलका समर्थकले पहेंलो जर्सी तन्कायो ।
‘पाँचपटक जितेर के गर्नु । चार वर्षअघि आफ्नै मैदानमै जिल खानुपर्यो त । जिल खाने टिम ब्राजिल हाहा’ अर्जेन्टिनाको ठिटाले अघिल्लो विश्वकप सम्झायो ।
‘ल भयो तिमीहरुको अर्जेन्टिनामा त्यही एउटा मेस्सी हो अलिअलि काम लाग्ने । त्यही पनि सन्यास लिएर फेरि फर्किएको मान्छेका के भर ! मेस्सी न सेस्सी’ ब्राजिलका समर्थक किन झुक्थ्यो र ।
ब्राजिल र अर्जेन्टिनाका ठिटाहरुको वाकयुद्ध सुनिरहेका दुईजना दिदीहरुलाई खपिसक्नु भएन ।
उतापट्टि सिटमा बसिरहेका दिदीहरु उफ्रे – ‘ए बजियाहरु मुखमा जे आयो त्यही बोल्छौ ? थुतुनो च्यात्नुपर्यो !’
‘के बोलेका छौं र दिदी हामीले ?’ ठिटाहरु झस्किए ।
‘के भन्या त्यो ? अघिदेखि नै ब्राझिक, म्याक्सी भन्या छ, भन्या छ । तिमीहरुको घरमा दिदीबहिनी छैन । दिदीबहिनीले नै लगाउँदा हुन् नि ब्रा र म्याक्सी । मनलाग्दी बोल्छौ । मुख सिलाईदिउँ ?’ दिदीहरुले पिटौंला झैं गरे ।
‘ल यी सुड्डीहरुसँग नसकिने भयो’ भन्दै बसको पछिल्तिर सिटमा बसिरहेका अर्जेन्टिनाका ठिटाहरु अघिल्तिर हिँडे ।
‘हाहाहा..ओई तिमीहरु त ब्राझिक टोलीका रे’ अर्जेन्टिनाका ठिटाले ब्राजिलका ठिटालाई खिल्ली उडाए ।
‘अनि तिमीहरु नि म्याक्सीका मान्छे रे, हाहाहा’ ब्राजिलका समर्थकले पनि जवाफ फर्काए ।
अर्कोतिर सिटमा सेतो जर्सी लगाएका जर्मनीका ठिटाहरुको अघिदेखि नै पारो चढेको थियो । एकजना बोलिहाल्यो, ‘ओई....जर्मनीका अगाडि अरु फ्याउराहरु धेरै प्यारप्यार नगरौं त । हामी त युरोपको बादशाह । हाम्रा थोमस मुल्लर कुर्ले भने सबैलाई कुलेलम ठोक्ने बनाउँछन् ।’
पछिल्तिर रहेको पोर्चुगलका फ्यानले पनि मुख खोल्यो, ‘ओई केटा हो, रोनाल्डो कहाँको हो भन्ने थाहा छ कि छैन ? कि भनिरहनुपर्यो । अनि आन्द्रे सिल्भाको नाम त सुनेका होलाउ नि ।’
‘हाहा नामै आन्द्रे । त्यस्ताको त आन्द्रा चुडाउँछ स्पेनले । अनि त्यस्ता रोनाल्डोलाई त हाम्रो डिएगो कोस्टाले ठाउँको ठाउँमै ढालिदिन्छन् । अनि डेभिड जिया कसको गोलकिपर थाहा होला नि ? यसपाली सुनको ग्लोब जित्ने नै उनी हुन्’ रातो जर्सी लगाएर बसेको स्पेनको समर्थक बोल्यो ।
जर्मनीको समर्थकलाई फेरि पारो चढ्यो, ‘यसअघि ब्राजिलमा भएको विश्वकपमा नेइमारको ब्राजिल र मेस्सीको अर्जेन्टिनालाई लडाएर विजेता भएको बिस्र्यौ ? चारपटक विश्वकप जितिसकेका छौं । अब पाँच पुग्छ । त्यसमाथि हाम्रा त एक होइन, सबै खेलाडी स्टार छन् ।’
‘पाँचपटक पहिल्यै जित्ने चाहिँ को नि ?’ ब्राजिलको समर्थकलाई खपिसक्नु भएन, ‘कोही छ पाँच पटक जितेर देखाउने अहिलेसम्म ?’
‘हामीले पनि एकपटक जितेर देखाइसकेका हौं, अब दुई हुन्छ’ स्पेनको समर्थक बोल्यो ।
‘एकको पनि के हिसाब गर्नु ? दुईपटक जितेर, तीनपटक उपविजेता भन्ने हामी हौं’ अर्जेन्टिनाका समर्थक बोल्यो ।
‘हामी त विश्वकपकै पहिलो विजेता देश’ झिनो स्वरमा उरुग्वेका समर्थक बोल्यो ।
‘हामीले पनि आयोजक देशका रुपमा एकपटक जितेका हौं’ फ्रान्सका समर्थकले पनि मुख खोल्यो ।
‘त्यस्ता कुरा छोड केटा हो यसपाली जित्ने हामीले हो’ फेरि अर्जेन्टिनाको समर्थक बोल्यो ।
‘डीडीसीका खोल धेरै नकराउ है, हान्दिउँला नि अहिले’ पहेंलो जर्सीवाला ब्राजिलका समर्थक करायो ।
‘जन्डिसे, जोगीहरु चुप लाग’ अर्जेन्टिनाका समर्थकले कुटौंला झैं गर्यो ।
‘ओ चुप लाग यसपाली पनि जर्मनी हो’ मुल्लर लेखिएको जर्सी लगाएको केटो करायो ।
‘हैन, पोर्चुगल ।’
‘स्पेन ।’
‘हैन हैन ईंग्ल्याण्ड ।’
‘फ्रान्स ।’
.......................
बसभित्रै मारामार हुन लागेपछि गुरुजीले गाडी रोके ।
‘ल भाइहरु यो बस रसिया पुग्दैन । रत्नपार्कसम्म हो । झरौं है त’ गुरुजी बोले ।
कस्तो सुड्डो गुरुजी रैछ भन्दै केटाहरु हाहाहुहु गर्दै बसबाट झरेर लाखापाखा लाए । बेसार बोकेका बेसारबाजे केहीदिन ज्यानै पहेंलो बनाएर बेसार बेच्नु ज्यानका लागि ठीक छैन भन्दै घरतिर फर्किए ।
उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।
मिलन तिमिल्सिना
दुई दशकदेखि रेडियो र अनलाइन पत्रकारितामा संलग्न मिलन तिमिल्सिना समसामयिक विषयमा विश्लेषण र व्यंग्यमा दखल राख्नुहुन्छ।
1 Comments
समाचार
-
-
सुनको भाउ तोलामा ४ सय रुपैयाँले घट्यो
मंसिर १६, २०८१ आइतबार
-
६ वटा देशमा एचआईभी सङ्क्रमण एक सय प्रतिशतले वृद्धि
मंसिर १६, २०८१ आइतबार
-
पालिका उपचुनाव : बिहानैदेखि मतदाताको उत्साहजनक सहभागिता (फ...
मंसिर १६, २०८१ आइतबार
-
कीर्तिपुर मैदानबाट क्रिकेट समर्थकको सन्देश...
मंसिर १६, २०८१ आइतबार
-
जुम्लाको पातारासीमा उमेर पुगी विवाह गर्ने जोडीलाई गाउँपालिक...
मंसिर १६, २०८१ आइतबार
-
पुरुष १९ वर्षमुनिको एशिया कपमा नेपालले आज बङ्गलादेशसँग खेल्दै
मंसिर १६, २०८१ आइतबार
-
भोलिदेखि शुरु हुने प्रधानमन्त्रीको चीन भ्रमणको तयारी अन्तिम चरणमा
मंसिर १६, २०८१ आइतबार
-
विश्व एड्स दिवस : नेपालमा ९१ प्रतिशतले एचआइभी सङ्क्रमण घट्यो
मंसिर १६, २०८१ आइतबार
-
जनकपुरमा विवाहपञ्चमी महोत्सव शुरु
मंसिर १६, २०८१ आइतबार
-
कोशी, मधेस, गण्डकी र कर्णाली प्रदेशका पहाडी भेगमा सामान्य बदल...
मंसिर १६, २०८१ आइतबार
-
पालिका उपचुनाव : ४१ पदका लागि मतदान शुरु
मंसिर १६, २०८१ आइतबार
-
इङ्ग्लिस प्रिमियर लिग फुटबलमा वेस्टह्यामलाई हराउँदै आर्सनल दोस्र...
मंसिर १६, २०८१ आइतबार
-
भियतनाममा हनोईदेखि होची मिन्ह शहरसम्म उच्च गतिको रेलमार्ग बन्ने
मंसिर १६, २०८१ आइतबार
विचार
-
महिला हिंसाविरुद्धका कानून बने, कार्यान्वयन भएनन्
मंसिर १२, २०८१ बुधबार
-
पहिलो रेटिङमै नेपालले सुखद नतिजा पायो, सदुपयोग र निरन्तर स...
मंसिर ९, २०८१ आइतबार
-
अमेरिकामा डोनाल्ड ट्रम्प राष्ट्रपति भएर नेपालसँगको सम्बन्धमा खास...
कात्तिक २४, २०८१ शनिबार
मेरो कथा मेरो भोगाई
-
युवाहरुलाई कृषि पेशामा लाग्न प्रेरित गरौँ
भदौ १९, २०८१ बुधबार
-
श्रमको लगानी स्वदेशमै गर्नुपर्छ
बैशाख १८, २०८१ मंगलबार
-
आधुनिक खेती गर्न सकेमा युवा जनशक्ति देशमै परिचालन गर्न सकिन्छ
चैत १६, २०८० शुक्रबार
मंगलकृष्ण मानन्धर
June 9, 2018, 11:10 a.m.तिमिलसीनाज्यू, तपार्इको ब्यंग पढें, राम्रो लाग्यो । केही महिना अधि IPL खेलेर फर्केका संदिपहुन क्यारे नाम त्यति याद भएन् । प्रधानमन्त्रीज्यू तिपणी गर्दै हुनुहुन्थो । २, ४ गोला फ्याक्दैमा धेरै चर्चा पाए, भन्दै थिए । प्रशंग बश मात्र । बालुवाटारमा कुनै एक जना पत्रकार मित्रले प्रधानमन्त्री समक्ष प्रश्न तेर्साए । प्रधानमन्त्रीज्यू फुटबल खेलमा कतिरूचि छ? प्रधानमन्त्रीज्यू, भन्दै थिए, खेल्नेबेलां जेल परें । खै के भनु ? रूचि सबै हराए । म अर्कै खेल, खेल्छु, क्या । पत्रकार मित्र, फुटबलको बिश्व कप रसियामा हुन गै रहेको छ । कुन देशले जित्ला प्रधानमन्त्रीज्यूश्? अनुमान मात्रै । प्रधानमन्त्रीज्यूले भन्नु भयो । म अरूबेला थत्ता गर्छु ? तर यो थत्ता होर्इन । कहाँको कुन देश । नेपाल ले जित्छ । पक्का । ल । छापाका हाै कि इलेकट्रोनिक ? छापाका हाै भने छापिइ हाल । इ को हाै भने भरे कास गर । लः बिदा अाज ? गुद दे गुद दे ? बार्इ भन्दै । गए . . . . . . . . . . . रे । तिमिल्सीनाज्यू . . . ?