मूर्तिखोलामा गोही भेटियो

कात्तिक १३, २०७५ मंगलबार १२:३५:३ | सुमित्रा कोइराला

उदयपुर – उदयपुरको एक खोलामा घडियाल गोही भेटिएको छ । सोमबार बेलका नगरपालिका वडा नम्बर ३ को मूर्ति खोलामा गोही भेटिएको हो ।

५ फिट ३ इन्च लम्बाई रहेको गोही दुई फिट मोटाईको रहेको छ । स्थानीयहरुले माछा मार्ने क्रममा गोही फेला पारेपछि इलाका प्रहरी कार्यालयलार्ई जिम्मा लगाएको इलाका प्रहरी कार्यालय रामपुरका प्रहरी निरीक्षक नविन सिंहले बताउनुभयो ।

सिंहले भन्नुभयो, ‘खोलामा गोही भेटिएको खबर आयो, हामीले गोहीलाई खोलाबाट सुरक्षित स्थानमा ल्याएर इलाका वन कार्यालय लालबजारलाई जिम्मा लगायौँ ।’

गोहीको घाँटीमा चोट लागेको छ, तत्काल उपचार गर्नुपर्ने प्रहरी निरीक्षक सिंहले जानकारी दिनुभयो । गोही घाइते रहेछ वनको टोलीले उद्धार गरेर कोशीटप्पु वन्यजन्तु आरक्षमा जिम्मा लगाउने डिभिजन वन अधिकृत विष्णुप्रसाद आचार्यले जानकारी दिनुभयो ।

‘घाईते नभएको भए कोशीकै सानो भङ्गालोमा छाड्ने थियौँ तर गोहीको शरीरमा चोट भएकाले आरक्षलाई जिम्मा लगाइने व्यवस्था मिलाइएको छ ।’ वन अधिकृत आचार्यले भन्नुभयो ‘कोशी टप्पु आरक्षमा केही महिना घाइते गोहीको उपचार गरेर निको भएपछि प्राकृतिक रुपमा छाडिने छ ।’ घाइते गोही कोशी नदी हुँदै मूर्ति खोलासम्म आइपुगेको हुनसक्ने वन कार्यालयको अनुमान छ ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुमित्रा कोइराला

सुमित्रा कोइराला उदयपुरका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्