मानसिक सन्तुलन गुमाएकालाई बन्धक बनाउने २ जना छिमेकी पक्राउ

कात्तिक ५, २०७५ सोमबार १४:२९:४३ | प्रेमनारायण आचार्य

अर्घाखाँची – सन्धिखर्क नगरपालिका वडा नम्बर –४, वांगलामा मानसिक सन्तुलन गुमाएका व्यक्तिलाइ बन्धक बनाएर राख्ने २ जना छिमेकी पक्राउ परेका छन् ।

सन्धिखर्क नगरपालिका वडा नम्बर –४, वाङ्ला आमडाँडामा विजया दशमीको दिन मानसिक सन्तुलन ठिक नभएका नारायण खत्रीलाई डोरीले बाँधेर रातभर आँगनमा छाडिदिने छिमेकी सुशीला नेपाली र उनका श्रीमानलाई पक्राउ गरिएको जिल्ला प्रहरी कार्यालयका प्रहरी नायव उपरीक्षक नवराज मल्लले बताउनुभयो ।

खत्रीलाई ८ घण्टापछि स्थानीयले आँगनमा अचेत अवस्थामा पल्टिएको भेटेपछि जिल्ला प्रहरी कार्यलय अर्घाखाँचीमा खबर गरेका थिए । तत्काल खबर पाउन साथ प्रहरी निरीक्षक नवराज मल्ल र प्रमुख जिल्ला अधिकारी खिमराज भुसालको पहलमा पीडित नारायण खत्रीलाई उपचारको लागि जिल्ला अस्पताल अर्घाखाँचीमा लगिएको थियो ।

जिल्ला अस्पताल अर्घाखाँचीमा खत्रीको सामान्य उपचारपछि थप उपचारको लागि लुम्बिनी अञ्चल अस्पताल बुटवल पठाएकोमा त्यहाँ पनि उपचार हुन नसकेपछि रिफर गरी भैरहवा मेडिकल कलेज पठाइएको प्रहरीले जनाएको छ ।

बन्धक बनाउने सुशीला नेपाली र उनका श्रीमानलाई थप अनुसन्धानका लागि जिल्ला प्रहरी कार्यालयमा हिरासतमा राखिएको छ ।

अन्तिम अपडेट: मंसिर १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

प्रेमनारायण आचार्य

प्रेमनारायण आचार्य अर्घाखाँची उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्