मेयरकै हस्पिटलमा सिलबन्दी

असोज २२, २०७५ सोमबार २०:४८:४९ | सुमित्रा कोइराला

उदयपुर – चाडपर्वलाई मध्यनजर गर्दै जिल्ला प्रशासन कार्यालय उदयपुरले बजार अनुगमनलाई तीब्र बनाएको छ ।

जिल्ला प्रशासनका प्रशासकीय अधिकृत खेमराज थापाको नेतृत्वमा सोमबार गएको अनुगमन टोलीले चौदण्डीगढी नगरपालिका प्रमुख खगेन्द्र राईको निजी अस्पतालमा सिलबन्दी गरेको छ ।

अनुगमन टोलीले चौदण्डीगढी नगरपालिकाको बेल्टार बजारमा रहेको चौदण्डीगढी हस्पिटल बन्द गरेको हो । हस्पिटलको इजाजत पत्र र अन्य आवश्यक कागजात फेला नपरेपछि बन्द गरेको अनुगमन टोलीका प्रशासकीय अधिकृत थापाले जानकारी दिनुभयो ।

‘कुनै पनि सरकारी मापदण्ड पूरा गरेको भेटिएन,’ उहाँले भन्नुभयो, ‘कागजात पूरा गरेर नल्याएसम्मको लागि सिलबन्दी गरेका हौँ, मेयर साबले किन बन्द गरेको भन्दै प्रश्न गर्नुभएको छ ।’

आफ्नो हस्पिटलमा सिलबन्दी गरेपछि मेयर राईले अनुगमन टोलीका संयोजक थापासँग आक्रोश व्यक्त गर्नु भएको छ । उहाँले नगरपालिकालाई पूर्व जानकारी नदिई बजार अनुगमन टोलीले एक्कासी बजार अनुगमन गरेर हस्तक्षेप गरेको प्रतिक्रिया दिनुभयो ।

‘अस्पतालमा मेरो पनि थोरै शेयर छ, अस्पताल बन्द गरेपछि त्यहाँबाट फोन आएको थियो,’ उहाँले भने, ‘स्थानीय सरकारले पनि नगर उपप्रमुखको नेतृत्वमा बजार अनुगमन गरिरहेको छ । अस्पतालको कागजात पुर्‍याउन मैले अस्पताल सञ्चालन गरिरहेका भाइहरूलाई भनेको छु ।’

बेल्टार बजारमै रहेको शुभकामना पोलिक्लिनिक एण्ड डाइग्नोसि सेन्टर र सूर्योदय मोडल पोलिक्लिनिक प्रालिमा समेत सिलबन्दी गरेको अनुगमन टोलीले जानकारी दिएको छ । अनुगमन टोलीले अजय पाउरोटी उद्योग र सीताराम पानी उद्योगको समेत आवश्यक कागजपत्र नभएपछि सिलबन्दी गरेको छ ।

बेल्टार बजारमा विभिन्न म्याद गुज्रिएका विभिन्न प्रकारका उपभोग्य समान समेत जफत गरेको जानकारी अनुगमन टोलीले जानकारी दिएको छ ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुमित्रा कोइराला

सुमित्रा कोइराला उदयपुरका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्