नेपालगञ्जमा सडक अतिक्रमण हटाउन सुरु

असोज १२, २०७५ शुक्रबार १५:५५:८ | गोविन्द शर्मा

बाँके – नेपालगञ्ज उप–महानगरपालिकाले मुख्य सडक क्षेत्रमा भएको अतिक्रमण हटाउन सुरु गरेको छ ।

यात्रुहरुले यात्रा गर्ने सडकपेटीमा ठेला तथा पसलेले सामान राखेपछि आवागमनमै असहज भएपछि शुक्रबारदेखि अतिक्रमण हटाउन सुरु गरिएको उपमेयर उमा थापा मगरले जानकारी दिनुभयो ।

शुक्रबार उपमेयर थापा, जिल्ला प्रहरी कार्यालय बाँकेका प्रमुख प्रहरी उपरीक्षक अरुण पौडेल नेतृत्वको टोलीले सुर्खेत रोडबाट अतिक्रमण हटाउन सुरु गरेको हो ।

नेपालगञ्जमा कतिपय स्थानमा पसल संचालकहरुले सडक समेत अतिक्रमण गरी व्यापार व्यवसाय गरेका कारण लामो समयदेखि सडक अतिक्रमण हटाउनुपर्ने आवाज उठ्दै आएको छ ।

पटक–पटक सम्झाई बुझाई गर्दा पनि अतिक्रमण यथावत रहेपछि शुक्रबार सुरक्षाकर्मी परिचालन गरी अतिक्रमण हटाइएको उपमेयर थापाले बताउनुभयो ।

‘पहिलो चरणमा मुख्य सडक क्षेत्रमा भएको अतिmक्रमण हटाउन सुरु गरेका छौँ’, उपमेयर थापाले भन्नुभयो, ‘यसपछि शहरका अन्य क्षेत्रमा भएको अतिक्रमण पनि हटाइने छ ।’

नेपालगञ्जको सुर्खेतरोडसँगै घरबारीटोल, सदरलाइन, फुल्टेक्रालगायतका बजार क्षेत्रमा पनि सडक तथा पेटी अतिक्रमण गरिएको छ ।

पछिल्लो समय चार लेन सडकमै सडक अतिक्रमण भई पैदल आवागमनमा कठिनाई भएको जनगुनासो आएपछि उप–महानगरपालिकाले अतिक्रमण हटाउन थालेको हो ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

गोविन्द शर्मा

गोविन्द शर्मा बाँकेका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

नेपालगञ्जमा सडक अतिक्रमण हटाउन सुरु

नेपालगञ्जको सुर्खेत रोडमा सडक अतिक्रमण हटाउँदै नगर प्रहरी

तपाईको प्रतिक्रिया