बाजुराको बूढीगङ्गामा ३ हजार ६ सय मत गनियो : मेयर र उपमेयरमा एमालेको अग्रता कायमै

असार २५, २०७९ शनिबार १०:३८:४२ | उज्यालो सहकर्मी

काठमाण्डाै - बाजुराको बूढीगङ्गा नगरपालिकामा अहिलेसम्म ३ हजार ६ सय ४८ मत गणना भएको छ।

मेयरमा नेकपा एमालेका रामबहादुर बानियाँ ९ सय ५७ मतले अगाडि हुनुहुन्छ । उहाँले मतगणनाको सुरुवातदेखि नै अग्रता लिनुभएको छ । पछिल्लो १० बजेसम्मको गणना अनुसार बानियाँले २ हजार १ सय ९६ मत प्राप्त गर्दा नेपाली कांग्रेसका रङ्गबहादुर खातीले १ हजार २ सय ३९ मत ल्याउनुभएको छ।

उपमेयरमा पनि एमालेकै माया कुँवरले २ हजार १ सय ७२ मतकासाथ अग्रता बनाउनुभएको छ । उहाँका प्रतिस्पर्धी नेपाली कांग्रेसकी रीता शाहीले १ हजार २ सय ६२ मत प्राप्त गर्नुभएको छ। अहिलेसम्म वडानम्बर १, ९ र १० को मतगणना सकिएको छ । यी वडामा नेकपा एमालेका उम्मेदवार विजयी भएका छन् ।

बूढीगङ्गा नगरपालिकामा बिहीवार पुनः मतदान भएको थियो । गएको वैशाख ३० गते भएको मतदानमा धाँधली भएपछि निर्वाचन आयोगले पुनः मतदान गराएको हो । त्यहाँ १३ हजार ६ सय ५९ जना मतदातामध्ये ९ हजार १ सय २८ अर्थात ६६ दशमलव ८३ प्रतिशत मतदान भएको थियो ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्