सप्तरीमा फैलिएको संक्रमण स्वाइन फ्लु होइन: महाशाखा

असोज ५, २०७५ शुक्रबार १३:२७:५४ | सुमित्रा कोइराला

उदयपुृर – सप्तरीको उत्तरी क्षेत्रमा पर्ने पालिकाहरुमा देखिएको संक्रमण स्वाइन फ्लू भनेर चिनिने एचवान एन वान भाइरस नभएको पुष्टि भएको छ ।

मृतकहरुको विपी कोईराला स्वास्थ्य विज्ञान प्रतिष्ठानमा नमुना परिक्षण गर्दा मृतकको नमुनामा स्वाइन फ्लुको भाइरस फेला नपरेको हो ।

इपिडेमियोलोजी तथा रोग नियन्त्रण महाशाखाको महामारी व्यवस्थापन शाखा प्रमुख डा प्रकास प्रसाद साहका अनुसार सप्तरीको कन्चनरुप र हनुमाननगर नगरपालिकामा देखिएको संक्रमण मौसमी रुघाखोकी भएको बताउनुभएको ।

सप्तरीमा स्वाइन फ्लूको भएको सार्वजनिक भएपछि इपिडेमियोलोजी तथा रोग नियन्त्रण महाशाखाको नेतृत्व गरेर सप्तरी आउनुभएका डा. साहले सिजनेवल फ्लू (मौसमी रुघाखोकी) मात्र भएको जानकारी दिनुभयो ।

‘हामीले मृत्यु भएकाहरुको नमुनाको विपी कोईराला स्वास्थ्य विज्ञान प्रतिष्ठानमा परीक्षण गर्दा स्वाइन फ्लूले बिरामीको मृत्यु भएको भेटिएन ।’ डाक्टर साहले भन्नुभयो ‘सप्तरीमा देखिएको संक्रमण सिजेनवल फ्लु हो, जसलाई स्वाइन फ्लु, र हङकङ फ्लु भनिँदैन ।’

सप्तरीको सप्तकोशी नगरपालिका क्षेत्रमा निरीक्षणको क्रममा आउनुभएका साहले बाहिर हल्ला गरे जस्तो गरी महामारी नरहेको उनले दावी गर्र्नुभयो । कञ्चनरुप र हनुमाननगर कंकालिनी नगरपालिका क्षेत्रमा इपिडेमियोलोजी तथा रोग नियन्त्रण महाशाखाले स्वास्थ्य शिविर सञ्चालन गरेर नमुना संकलन गरेको थियो ।

रुघाखोकी तथा उच्च ज्वरो लगायतका लक्षण देखिने रोगका कारण सप्तरीको कञ्चनरुप नगरपालिकामा दुई सातामा तीन जना बालक र एक महिला गरी चार जनाको मृत्यु भएपछि महाशाखाको टोली सप्तरी जिल्लामा परिचालित छ ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुमित्रा कोइराला

सुमित्रा कोइराला उदयपुरका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्