खगराज बरालको ‘श्रमिक बरालका फुटकर रचनाहरू’ बजारमा

चैत २६, २०७८ शनिबार १२:४७:५९ | उज्यालो सहकर्मी

काठमाण्डाै - साहित्यमा निरन्तर कलम चलाइरहने श्रमिक बराल अर्थात डा. खगराज बरालको फुटकर रचनाहरूको सङ्ग्रह ‘श्रमिक बरालका फुटकर रचनाहरू’ बजारमा आएको छ ।

भुँडीपुराण प्रकाशनले बजारमा ल्याएको यस सङ्ग्रहमा साहित्यका तीन विधा कथा, लघुकथा र कवितालाई कथा खण्ड, लघुकथा खण्ड र कविता खण्डमा विभाजन गरिएको छ । यस सङ्ग्रहभित्र दुई वटा कथा, पन्ध्र वटा लघुकथा र ११ वटा कविता समेटिएका छन् ।

श्रमिक बरालले पचासका दशकमा रचना गरेका यी कथा, लघुकथा र कविताहरू तत्कालीन समयमा विभिन्न पत्रपत्रिकामा प्रकाशित भइसकेका थिए । पचासको दशकमा लेखिएका यी कथा, लघुकथा र कविताहरूमा तत्कालीन समयप्रति असन्तुष्टि, सामाजिक तथा राजनीतिक विकृतिप्रति व्यङ्ग्य र सुधारका लागि युगचेतना मुखरित भएका छन् । यी तीन विधाका रचनामा पर्याप्त युग चेतना देखिन्छ । विभिन्न पत्रपत्रिकामा प्रकाशित भएका कथा, कविता र लघुकथालाई सङ्कलन गरी एउटै पुस्तकमा समावेश गरी भुँडीपुराण प्रकाशनले पुस्तक प्रकाशन गरेको छ ।

बरालका रचना पढ्न चाहने पाठकहरूका लागि प्रकाशकले एउटै पुस्तकका रूपमा उपलब्ध गराएको छ । कुल ७६ पृष्ठको यो पुस्तकको मूल्य १२० रुपैयाँ रहेको छ ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्