यो वर्ष मात्रै २१ सय ८५ वटा आगलागीका घटना, ८६ जनाले ज्यान गुमाए

चैत २, २०७८ बुधबार १४:४६:२७ | उज्यालो सहकर्मी

काठमाण्डाै – पाल्पाको रैनादेवी छहरा गाउँपालिका–३ मा आगलागी हुँदा एक जनाको ज्यान गएको छ । रैनादेवी छहरा गाउँपालिका–३ ढुकुरखोलामा भएको आगलागीमा ५९ वर्षीय हरिबहादुर कुमालको जलेर ज्यान गएको इलाका प्रहरी कार्यालय मुझुङले जनाएको छ । कुमालको घरमा लागेको आगो मुझुङको प्रहरी टोली र स्थानीयवासीकाे सहयोगमा निभाइएको छ ।

यस्तै पाँचथरको कुम्मायक गाउँपालिका–२ माँजाबुङमा गोठमा आगो लाग्दा एक पुरुष सामान्य घाइते भएका छन् । त्यस्तै तेह्रथुमको आठराई गाउँपालिका–६ मा आगलागी हुँदा दुई वटा घर जलेका छन् । आगलागीबाट झन्डै १३ लाख रुपैयाँ बराबरको क्षति भएको चुहानडाँडा प्रहरी चौकीले जनाएको छ ।

सोलुखुम्बुको माप्य दूधकोशी गाउँपालिका–६ मा पनि एउटा घरमा आगलागी हुँदा सात लाख ५० हजार रुपैयाँ बराबरको क्षति भएको छ । पछिल्लो २४ घण्टामा पाल्पा, पाँचथर, तेह्रथुम, सोलुखुम्बु, खोटाङ, मोरङ, इलाम, बारा, सिरहा, सप्तरी, रोल्पा, काठमाण्डौ, झापामा गरी १४ वटा आगलागीका घटना भएका राष्ट्रिय विपद् जोखिम न्यूनिकरण तथा व्यवस्थापन प्राधिकरणले जनाएको छ ।

यो वर्ष मात्रै घर तथा जङ्गलमा गरी २१ सय ८५ वटा आगलागीका घटना भएका छन् । गएको वैशाख १ गतेदेखि आजसम्म भएका आगलागीका घटनामा ८६ जनाले ज्यान गुमाएका छन् । त्यस्तै तीन सय ५८ जना घाइते भएका छन् । दुई हजार पाँच सय ५५ परिवार प्रभावित भएका र आगलागीका घटनाबाट अनुमानित दुई अर्ब ७ करोड रुपैयाँ बराबरको क्षति भएको प्राधिकरणको तथ्याङ्कमा उल्लेख छ ।

तथ्याङ्क स्राेत : राष्ट्रिय विपद् जोखिम न्यूनीकरण तथा व्यवस्थापन प्राधिकरण

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

यो वर्ष मात्रै २१ सय ८५ वटा आगलागीका घटना, ८६ जनाले ज्यान गुमाए

फाइल फाेटाे

तपाईको प्रतिक्रिया