चाउचाउ किनेर फर्कँदै गर्दा ५ वर्षीया बालिकालाई चितुवाले लग्यो

भदौ २५, २०७५ सोमबार १८:४५:२ | प्रेमनारायण आचार्य

अर्घाखाँची – अर्घाखाँचीको किमडाडामा नरभक्षी चितुवाको आक्रमणबाट ५ वर्षीया बालिकाको ज्यान गएको छ ।

सन्धिखर्क नगरपालिका वडन नम्बर –१०, धरम्पानी करनढुंगा निवासी रिखीराम रानाकी ५ वर्षीया छोरी सदिक्षा रानाको तीजको समयमा मामाघर जाँदै गर्दा चितुवाको आक्रमणबाट ज्यान गएको जिल्ला प्रहरी कार्यालयका प्रहरी नायव उपरीक्षक नवराज मल्ले बताउनुभयो ।

आमासँगै सन्धिखर्क –८, किमडाँडा पकले जाने क्रममा बाटोमा पर्ने सानीआमाको घर नजिकै बालिकालाई चितुवाले आक्रमण गरेको हो । तीन बहिनी सँगै चाउचाउ किन्न गएर घर फर्कने क्रममा लामो खरबारीमा लुकेर बसेको चितुवाले बालिकालाई आक्रमण गरी जंगलतर्फ लगेको थियो ।

‘हामी बसेर चाउचाउ खाँदै थियौँ । बीचमा बसेकी कान्छी बहिनीलाई चितुवाले लगेर गयो’ रुँदै आमा र सानी हजुरआमालाई सदिक्षाकी दिदीले बताएपछि स्थानीय नागरिक हारगुहार गर्दै जंगलतर्फ गएका थिए । खोज्दै जादा चितुवाले खाएर क्षतविक्षत बनाएको अवस्थामा बालिकाको शव भेटियो ।

घटनास्थलको प्रकृतिको मुचुल्कासहित पोस्टमार्टमको निम्ति बालिकाको शव जिल्ला अस्पताल लगिएको छ ।

नरभक्षी चितुवाले पछिल्लो ३ वर्षमा डेढ दर्जनभन्दा बढी बालबालिकालाई आक्रमण गरेको छ । चितुवाको आक्रमणबाट पछिल्लो तीन वर्षमा मात्रै यस क्षेत्रमा १२ जनाको ज्यान गएको छ । ६ जना घाइते उपचारपछि निको भएका छन ।

चितुवा आतंक बढ्दै गएपछि सन्धिखर्क, किमडाडा, अर्घा, खाचिकोट, ढिकुरा, नुवाकोट, लगायतका स्थानीय बासिन्दा त्रसित भएका छन् ।

अन्तिम अपडेट: मंसिर १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

प्रेमनारायण आचार्य

प्रेमनारायण आचार्य अर्घाखाँची उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्