भीरकोट नगर अस्पतालमा सोलार जडानपछि सेवाप्रवाह प्रभावकारी

पुष २४, २०७८ शनिबार १३:१९:३२ | राधाकृष्ण डुम्रे

स्याङजा – भीरकोट नगर अस्पतालमा सोलार जडान गरिएको छ । संयुक्त राष्ट्र संघीय विकास कार्यक्रम यूएनडीपीको सहयोगमा अस्पतालनमा सोलार जडान गरिएको हो । अस्पतालमा १० केबीए क्षमताको ३० वटा सोलार प्यानल जडान भएको अस्पतालका व्यवस्थापक छायादत्त रेग्मीले बताउनुभयो ।

सोलार जडानपश्चात अस्पतालको सेवाप्रवाह प्रभावकारी भएको रेग्मीकाे भनाइ छ । उहाँले भन्नुभयो,‘अहिले अस्पतालमा लाइन भएको र नभएको थाहै हुँदैन ।’

अस्पतालको सेवाप्रवाह प्रभावकारी बनाउन निरन्तर काम गरिरहेको भन्दै भीरकोट नगर प्रमुख छायाराम खनालले विद्युत आपूर्तिमा समस्या नभएपछि सेवाग्राहीलाई निक्कै सजिलो हुने बताउनु भयो ।

उहाँले भन्नुभयो, ‘अस्पतालमा निकट भविष्यमा नै शुरु हुन लागको डाइलाइसिस सेवाका लागि सोलार विद्युतले महत्वपूर्ण सहयोग पुर्याउने छ ।’

कोरोना संक्रमित भएकाहरुलाई राख्ने जिल्लाकै पहिलो आइसोलेसन समेत यही अस्पतालमा छ । तत्कालीन अवस्थामा कालिका सामुदायिक अस्पतालको नामले परिचित रहेको यस अस्पतालको अहिले सम्पूर्ण जिम्मेवारी भीरकोट नगरपालिकाले लिएको छ ।

एकसय शय्याको यस अस्पतालमा दैनिक ४० देखि ५० जना बिरामी आउने गरेका छन् । जिल्लाको मध्य भाग र राजमार्गबाट नजिक रहेकाले यस अस्पताललाई ट्रमा सेन्टरका रुपमा विकास गरिने योजना रहेको नगर प्रमुख खनालले बताउनु भयो ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राधाकृष्ण डुम्रे

स्याङजाका पत्रकार राधाकृष्ण डुम्रे उज्यालोका जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्