बर्दियाको ठाकुरबाबा र तनहुँको व्यास नगरपालिकाबीच मितेरी साइनो

पुष १४, २०७८ बुधबार ८:२९:५५ | भावुक योगी

बर्दिया – लुम्बिनी प्रदेश, बर्दियाकाे ठाकुरबाबा नगरपालिका र गण्डकी प्रदेश, तनहुँकाे व्यास नगरपालिकाबीच मितेरी साइनो सम्बन्धी सम्झौता भएको छ ।

व्यास नगरपालिकाका जनप्रतिनिधि र कर्मचारी बर्दिया राष्ट्रिय निकुञ्ज अवलोकन गर्न पुगेका बेलामा ठाकुरबाबा नगरपालिकासँग मितेरी साइनोसम्बन्धी सम्झौता भएको हो । भुरिगाउँमा व्यास नगरपालिकाका नगरप्रमुख बैकुण्ठ न्यौपाने, प्रमुख प्रशासकीय अधिकृत डिल्लीराम सिग्देल र ठाकुरबाबा नगरपालिकाका नगरप्रमुख घननारायण श्रेष्ठ, प्रमुख प्रशासकीय अधिकृत रामहरी रिजालले सम्झौता पत्रमा हस्ताक्षर गर्नुभयो ।

आर्थिक समृद्धिका लागि सँगसँगै भन्ने नारासहित मितेरी सम्बन्ध स्थापना गरिएको हो । यो सम्झौता कम्तीमा ५ वर्षसम्म कायम रहने र सम्झौता अवधि सकिएपछि पनि दुवै पक्षबीचको सम्बन्ध कुनै पक्षले अन्त्य नगरेसम्म कायम रहने ठाकुरबाबा नगरपालिकाका नगरप्रमुख घननारायण श्रेष्ठले जानकारी दिनुभयो ।

कृषि, शिक्षा, स्वास्थ्य, सरसफाई, पर्यटन प्रवर्द्धन तथा आयआर्जन र विकास निर्माणमा तराई तथा पहाडका पालिकाले गरेका राम्रा कामको सिको गर्दै अघि बढ्ने उद्देश्य सहित मितेरी साइनो गाँसिएको व्यास नगरपालिकाका प्रमुख प्रशासकीय अधिकृत डिल्लीराम सिग्देलले बताउनुभयो ।

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

भावुक योगी

बर्दियाका उज्यालो सहकर्मी भावुक योगी बर्दियाको रेडियो टाइगरमा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्