‘थ्री फेज’ लाइन विस्तारमा सहयोग गरिदिन गण्डकीका ऊर्जा मन्त्रीसँग लमजुङ फेदीकुनावासीको माग

असोज १४, २०७८ बिहीबार १४:३६:३ | श्यामशितल परियार

लमजुङ – लमजुङको सुन्दरबजार नगरपालिका ६ फेदीकुनाका बासिन्दाले ‘थ्री फेज लाइन’ विस्तारका लागि अनुरोध गरेका छन् । आज बिहीवार फेदीकुना आउनुभएका गण्डकी प्रदेशका ऊर्जा, जलस्रोत तथा खानेपानी मन्त्री हरिशरण आचार्य समक्ष स्थानीयवासीले यस क्षेत्रमा ‘थ्री फेज’ लाइन विस्तारका लागि आवश्यक सहयोग गरिदिन अनुरोध गरेका हुन् ।

नेपाल विद्युत् प्राधिकरण, मध्य मर्स्याङ्दी जलविद्युत् केन्द्रको कर्मचारी आवास क्षेत्र फेदीकुनामै पर्छ । फेदीकुना प्रभावित क्षेत्र रहेकाले पनि यहाँ ‘थ्री फेज’ लाइन विस्तारका लागि सम्बन्धित निकायलाई आग्रह गरिएको फेदीकुनाका अगुवा गिरबहादुर तामाङले बताउनुभयो ।

‘थ्री फेज’ लाइन विस्तार हुन नसक्दा मिलका साथै विद्युतीय सामग्री सञ्चालनमा समस्या हुने गरेको र लाइन विस्तार भएमा यस क्षेत्रका झन्डै एक सय ५० सय घरधुरी लाभान्वित हुने उहाँले बताउनुभयो ।

स्थानीयवासीको मागलाई सम्बोधन गर्दै मन्त्री आचार्यले नेपाल विद्युत् प्राधिकरण जिल्ला शाखासँग यसबारेमा समन्वय गर्ने र मन्त्रालयमा छलफल गरी बजेट व्यवस्थापन गरी तयारी अघि बढाउने प्रतिबद्धता व्यक्त गर्नुभएको छ ।

‘तपाईँहरूको समस्या बुझ्न हामी गाउँ–गाउँमा आएका छौँ । समन्वय, छलफल गरी तत्कालै काम गर्ने तयारी गर्छाैँ’, उहाँले भन्नुभयो, ‘विद्युतका साथै खानेपानी, सिँचाइलगायतका अन्य योजनामा पनि तपाईँहरूसँग छलफल गरी विकास निर्माणमा सहभागी हुन्छौँ ।’

यस क्षेत्रमा ‘थ्री फेज’ लाइन विस्तार भएमा साना घरेलु उद्योग सञ्चालन गरी स्वरोजगार बन्न सकिने स्थानीयवासीले बताएका छन् ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

श्यामशितल परियार

श्यामशितल परियार उज्यालोकाे लमजुङ र मनाङ जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

‘थ्री फेज’ लाइन विस्तारमा सहयोग गरिदिन गण्डकीका ऊर्जा मन्त्रीसँग लमजुङ फेदीकुनावासीको माग

गण्डकीका ऊर्जा मन्त्री स्थानीयवासीसँग कुराकानी गर्नु हुँदै

तपाईको प्रतिक्रिया