घोराहीमा अक्सिजन प्लान्ट बनाउन निजी क्षेत्रलाई आह्वान, उपमहानगरले अनुदान दिने

वैशाख ३१, २०७८ शुक्रबार १७:४१:५२ | हेमराज शर्मा

दाङ – घोराही उपमहानगरपालिकाले लागत साझेदारी अनुदानमा अक्सिजन प्लान्ट निर्माणका लागि निजी क्षेत्रलाई आह्वान गरेको छ । नगर कोरोना नियन्त्रण तथा व्यवस्थापन समितिको शुक्रवार (आज) बसेको बैठकले अक्सिजन प्लान्ट निर्माणका लागि सबै व्यवसायी तथा अस्पताललाई आह्वान गर्ने र उपमहानगरले लागत साझेदारीमा अनुदान उपलब्ध गराउने निर्णय भएको प्रमुख प्रशासकीय अधिकृत ऋषिराम केसीले जानकारी दिनुभएको छ ।

दीर्घकालीनरूपमा अक्सिजन प्लान्ट आवश्यक देखिएको र त्यसका लागि निजी क्षेत्रलाई प्रोत्साहन गर्दै उपमहानगरले अनुदानको व्यवस्था गर्ने निर्णय गरेको उहाँको भनाइ छ ।

समितिकी संयोजक एवम् नगरकी उपमेयर सीता सिग्देल न्यौपानेको अध्यक्षतामा बसेको बैठकले अक्सिजन प्लान्ट निर्माणमा अनुदान, सहकार्य र सहजीकरण गर्ने निर्णय गरेको हो । साथै बैठकले कोरोना महामारीबाट बच्न लकडाउन र स्वास्थ्य सुरक्षा मापदण्डको पालनामा विशेष जोड दिन नगरवासीलाई अपिल गरेको छ ।

उपमहानगरपालिकाले नगरका कोरोना सङ्क्रमितकाे उपचारका लागि राप्ती स्वास्थ्य विज्ञान प्रतिष्ठानसँग सहकार्य हुँदै आएको जनाएको छ । यसका लागि ४५ लाख रुपैयाँ रकम दिने सहमतिअनुसार रकम र ५० थान अक्सिजन सिलिन्डरसमेत हस्तान्तरण भइसकेको स्वास्थ्य शाखा प्रमुख नारायणप्रसाद घर्तीले जानकारी दिनुभएको छ ।

यसैगरी प्रदेश सरकारले सञ्चालन गरेको कोरोना विशेष अस्पताल बेलझुण्डीमा पनि नगरका बिरामीको उपचार भइरहेको छ । साथै उपमहानगरपालिकाले १९ वटै वडामा स्वास्थ्यकर्मी परिचालन गरी सङ्क्रमित भइ घरमै बसेका बिरामीको अवस्था बुझ्ने र आवश्यक स्वास्थ्य परामर्श दिँदै आएको प्रमुख घर्तीको भनाइ छ ।

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्