धेरै अन्न फलाउने पाँचथरका एक सय २५ किसान एक/एक लाख रुपैयाँसहित पुरस्कृत

फागुन २१, २०७७ शुक्रबार १९:१५:४८ | उपेन्द्र येक्तेन

पाँचथर – पाँचथरको मिक्लाजुङ गाउँपालिकाले एक सय २५ जना किसानलाई एक लाखका रुपैयाँका दरले पुरस्कार प्रदान गरेको छ । गाउँपालिकाले यसअघि नै घोषणा गरेअनुसार पालिकाभित्रका धेरै अन्न फलाउने किसानलाई पुरस्कृत गरेको हो ।

गाउँपालिकाको आठौँ गाउँ सभाले ४० मुरी धान, चार फुट लम्बाइ र ४० फुट चौडाइ भएको थाङ्ग्रोभरिका मकै र ३५ मनभन्दा धेरै आलु फलाउने किसानलाई पुरस्कृत गर्ने घोषणा गरेको थियो ।

गाउँपालिकाले बढी उत्पादन गर्ने किसानहरूलाई नवौँ गाउँ सभाको अवसरमा पुरस्कृत गरेको अध्यक्ष अमर माखिमले बताउनुभयो । कोरोना महामारीको जोखिमका कारण गरिएको लकडाउनमा युवा शक्ति गाउँ फर्कने अभियान सुरु भएसँगै बाँझो जमिनको सदुपयोग गर्ने उद्देश्यले ल्याइएको यो कार्यक्रम प्रभावकारी भएको अध्यक्ष माखिमको भनाइ छ ।

किसानलाई प्रोत्साहन गर्ने यो कार्यक्रमलाई आउँदा वर्षमा केही परिमार्जनसहित अगाडि बढाउने तयारी भइरहेको अध्यक्ष माखिमले बताउनुभयो ।

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उपेन्द्र येक्तेन

पाँचथरका उज्यालो सहकर्मी उपेन्द्र येक्तेन इगल एफएममा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्