सुरक्षित वैदेशिक रोजगारीको लागि समुदाय स्तरमा जनचेतना फैलाउँदै नीलकण्ठ नगरपालिका

फागुन १६, २०७७ आइतबार १०:२०:४३ | रामकुमार थापा

धादिङ – वैदेशिक रोजगारीलाई सुरक्षित, भरपर्दो र मर्यादित बनाउन धादिङको नीलकण्ठ नगरपालिकाले समुदाय स्तरमा जनचेतना फैलाउन थालेको छ ।

सही सूचना र सीप नसिकी विदेश जाँदा श्रमिकले विभिन्न समस्या झेल्न परेको भन्दै नगरपालिकाले गाउँ गाउँमा जनचेतना फैलाउन थालेको सुरक्षित आप्रवासन परियोजना सामीका कार्यक्रम संयोजक दिनेश दवाडीले जानकारी दिनुभयो ।

‘स्वदेशमै रोजगारी गरौँ, यदि विदेश जानै पर्ने भए सही सूचना र सीप सिकेर जाऔँ’ भन्दै धादिङको चार पालिकामा स्वीस सरकार र नेपाल सरकारबीच भएको दुई पक्षीय सम्झौता अन्तर्गत श्रम रोजगार तथा सामाजिक सुरक्षा मन्त्रालयको नेतृत्व र हेल्भटास नेपालको प्राविधिक सहयोगमा सञ्चालित सामी परियोजना सञ्चालन हुदै आएको छ ।

शुक्रबार धादिङको नीलकण्ठ नगरपालिका ११ सिम्लेमा सामुदायिक अभिमुखीकरण अन्तर्गत पहिलो चरणको समूह छलफल सम्पन्न भएको छ । वैदेशिक रोजगारलाई सुरक्षित, भरपर्दो र मर्यादित बनाउनको समूह स्तरमै गएर जानकारी गराइएको हो ।

कार्यक्रममा ७० जनाभन्दा बढीको सहभागिता रहेको थियो । कार्यक्रममा कागजपत्र, सीपको महत्व, इजाजत्र प्राप्त म्यानपावर कम्पनीबाट मात्र विदेश जानुको फाइदा, रकम वा पासर्पोट बुझाउँदा भरपाइ गराउनु पर्ने कारण र यसको फाइदा लगायत जानकारी गराइएको छ ।

यस्तै आप्रवासी श्रोत केन्द्रबाट प्रवाह हुने सेवा, नेपालको विमानस्थलबाट विदेश जाँदाको फाइदा, सीप सिकेर जाँदा हुने, वैदेशिक रोजगारीको कारण उत्पन्न हुने मनोसामाजिक समस्या, लक्षण, वित्तीय साक्षरता कक्षाको फाइदा, पारिवारिक विखण्डन रोक्ने उपायका साथै घरेलु हिंसाबाट उत्पन्न हुने समस्याको बारेमा समेत परदेशीका परिवारलाई जानकारी गराइएको छ ।

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

रामकुमार थापा

थापा धादिङको नीलकण्ठ नगरपालिकाकाे वरिष्ठ मनोविमर्शकर्ता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्