पूर्वी नाकाबाट गाेरु तस्करी, ६७ गोरुसहित तीन ट्रक प्रहरी नियन्त्रणमा

माघ २७, २०७७ मंगलबार २०:१४:३३ | सुमन तिमल्सिना

माेरङ – मोरङको पूर्वी नाकाबाट गोरुको तस्करी हुने गरेको फेला परेको छ । प्रहरीको टोलीले केराबारीबाट गोरु तस्करी भइरहेको सूचनाको आधारमा ६७ गोरुसहित तस्करीमा संलग्न व्यक्तिलाई फक्राउ गरेको छ । मोरङको केराबारी गाउँपालिका ५ सतिसालेमा गोरु लोड गरेको अवस्थामा तीन ट्रकसहित गोरु नियन्त्रणमा लिइएको प्रहरीले जनाएको छ ।

जिल्ला प्रहरी कार्यालय मोरङका प्रहरी नायब उपरीक्षक (डीएसपी) लोकदर्शन थापाका अनुसार ना ६ ख ६१३२, ना ६ ख ९७३४ र ना ५ ख ७७५७ नम्बरको ट्रकमा ६७ गोरु फेला पारेको हो । अनुसन्धानका क्रममा ती गाेरु सिन्धुपाल्चोकका ठेकेदार विश्व बस्नेतकाे भएकाे डीएसपी थापाले जानकारी दिनुभयाे । गोरु तस्करीमा संलग्न बस्नेत गोरु कारोबारी भएको प्रहरीले जनाएको छ ।

बस्नेतले गोरु व्यवसाय गर्नका लागि केराबारी गाउँपालिका ८ का डोरबहादुर विकसहित नाै जनाको व्यवसाय गर्दाको रकमसमेत नदिएको प्रहरी अनुसन्धानबाट खुलेको जनाइएकाे छ । प्रहरीले ट्रक, चालक र गोरु नियन्त्रणमा लिइ आवश्यक कारबाहीका लागि राजस्व अनुसन्धान कार्यालय इटहरी पठाइएको डीएसपी थापाले बताउनुभयाे ।

तस्करहरूले गोरुको ओसारपसारका लागि छोटी भन्सारकाे प्रयोग गर्ने गरेका छन् । यसअघि रङ्गेली तथा भाथिगछलगायतका नाका प्रयोग गरेर गोरु भारत तस्करी हुने गरेको स्थानीयले बताउँदै आएका थिए । रातिको समयमा नेपालबाट भारततर्फ ठूलो सङ्ख्यामा गाई तथा गोरुको तस्करी हुने गरेकाे छ ।

तस्करहरूले नेपालबाट झापा र मोरङको नाका प्रयोग गरेर भारत हुँदै बङ्गलादेशसम्म गोरुको तस्करी गर्ने गरेको यसअघि नै तथ्य खुलेको थियो । यस पटक पक्राउ परेका गोरु पनि पश्चिमका जिल्लाबाट ल्याएर झापा हुँदै तस्करी गर्न ल्याइएको हुन सक्ने प्रहरीले जनाएको छ ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुमन तिमल्सिना

सुमन तिमल्सिना मोरङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्