सपनाको दुःखद निधन

असोज १०, २०७७ शनिबार ११:२३:२८ | उज्यालो सहकर्मी

दुर्गा घायल विश्वकर्मा, रुरुक्षेत्र गाउँपालिका–४ गुल्मी

उफ...
उनी आउँथिन्
मेरो निदरीमा सपना बनेर
उनी आउँथिन्
मेरो बिपनीमा सपना नै बनेर
कल्पनामा मलाई चुर्लुम्म डुबाई भन्थिन् !
असम्भव छैन कल्पना र कोसिस गर ।

मैले देख्ने सपना
त्यति ठूली पनि थिइनन्
त्यति सानी पनि त पटक्कै होइनन् !
उनी साथ थिइन् मेरो, उनी नै सहयोग,
उनी प्रेरणा र हौसला पनि थिइन् ।
हैसियत बिर्सिंदा मैले आफ्नो आफैंले
अहंकारलाई भत्काउने शक्ति पनि थिइन् ।

सपनाले दिएको मिठो पाहुर,
मैले साथी सङ्गीहरुमा पनि बाँडेको थिएँ ।
तर केही दिनअघि... !
मैले मेरो सु–सज्जित सपनालाई
भताभुङ्ग देखेको थिएँ
लथालिङ्ग देखेको थिएँ ।
आशाका किरणरुपी रेसाहरु
हराउँदै गए जस्तो,
भरोसाका डोरी चुँडे जस्तो ।
सम्भावनाका पर्खालबाट ढुङ्गा घर्किए जस्तो !

सोचें !
सपना, सपनामै सीमित हुन्छिन् कि ?

अन्ततोगत्वा....
अकस्मात आज !
मेरो सपनाको दुःखद निधन भएको छ ।
मेरो सपनाले अल्पायुमै मृत्युवरण गरेकी छिन् ,
कहिल्यै उठ्नै नसक्ने गरी गर्लम्म ढलिन् मेरी सपना ।
उनी दिवंगत भएकी छिन् !!
म उनको मृत्युको मर्मले भन्दा पनि
शरमले भावविह्वल भएको छु !
म लज्जित छु ।

साथीसङ्गीका बीचमा
नामर्द, पानीमरुवा, र लाचारी जस्ता
उपमाले सजिन्छु कि ?

त्यसैले त
एउटा फूलको थुङ्गा चुडेर
हार्दिक श्रद्धाञ्जली भन्न पनि सकिनँ,
मैले मेरो सपनालाई ।
उफ... सपना भयावह हुँदोरहेछ !!

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्