कोरोनाले जुराएको अवसर : १० वर्षदेखि बाँझो जमिनमा भैँसी पालन र कागती खेती

भदौ २३, २०७७ मंगलबार २१:१३:१६ | श्यामशितल परियार

लमजुङ – लमजुङको राइनास नगरपालिका १ काे साइलीटारमा सामूहिक भैँसी पालन सुरु गरिएको छ । १० वर्षदेखि बाँझो जमिनमा ३४ जना स्थानीय आबद्ध ‘दीगो कृषि व्यवस्थापन तथा अनुसन्धान सहकारी’ मार्फत भैँसी पालन सुरु गरिएको हो ।

सुरुवातका चरणमा २० वटा थारा भैँसी र प्रजननका लागि एउटा राँगा पालिएको सहकारीका अध्यक्ष खिला शर्मा घिमिरेले बताउनुभयो । कम लगानी, समय र श्रममा धेरै आम्दानी लिन सकिने भएकाले सामूहिक रुपमा भैँसी पालन व्यवसाय सुरु गरिएको उहाँले बताउनुभयो ।

सहकारीमा आबद्ध सदस्यले प्रतिव्यक्ति २० हजार रुपैयाँ सङ्कलन गरी वीरगञ्जबाट मुर्रा जातको थारा भैँसी ल्याइ व्यवसाय सुरु गरिएको अध्यक्ष घिमिरेले जानकारी दिनुभयाे ।

यस्तै उहाँले बाली गएको भैँसी र दुहुना भैँसी फर्मबाट बेचिने जानकारी दिनुभयो । उहाँ भन्नुहुन्छ, ‘थारा भैँसी फर्ममा ल्याएर पाल्छौँ । बाली गएको भैँसीका साथै दुहुना भैँसी फर्मबाटै सजिलै बिक्री हुन्छ । राम्रो आम्दानी हुन्छ ।’

उहाँका अनुसार प्रति थाराे भैँसीको मूल्य ३५ देखि ४० हजार रुपैयाँसम्म पर्छ । बाली गएको भैँसी झण्डै एक लाख र दुहुना भैँसी डेढ लाख रुपैयाँसम्म बिक्री हुन्छ ।

कोरोना भाइरसले अहिले असहज परिस्थिति सिर्जना गरेकाले सहज परिस्थित सिर्जना भएसँगै दुहुना भैँसी पाल्ने र दूध सङ्कलन र बिक्री कार्यलाई पनि अघि बढाइने लक्ष्य रहेको उहाँको भनाइ छ ।

कोरोनाले निम्त्याएको यो सङ्कटपूर्ण समयलाई पनि आफूहरुले अवसरको रुपमा उपयोग गरी खेर गएको बाँझो जमिनको उपयोग गरी कृषि तथा पशुपालनलाई अघि बढाइएको घिमिरेले बताउनुभयो । दुई सय रोपनी जग्गामा मसार कागती पकेट क्षेत्र अन्तर्गत कागती खेती पनि सुरु गरिएको छ ।

कृषि ज्ञान केन्द्रको सहयोगमा गजेन्द्रराज घिमिरे अध्यक्ष रहेको मसार कागती पकेट क्षेत्रले दुई सय रोपनी जग्गामा ४५ सय सुन कागती जातको कागतीका बिरुवा लगाइएको पनि घिमिरेले बताउनुभयो । कागती खेतीका लागि उचित सिँचाइको पनि व्यवस्था गरिएको छ ।

सामूहिक भैँसी पालन र कागती खेतीको रेखदेखमा समूहमा आबद्ध सदस्यहरु पालैपालो खटिन्छन् । ‘व्यवसायबाट आएको मुनाफा आपसमा बराबर बाँड्ने गरिएको छ ।

केही समयमै भैँसी पालनलाई थप विस्तार गरिनुका साथै केही समयमै माछा पालन, केरा खेती, मौरी पालन र बाख्रापालन पनि सुरु गरिने सहकारीले जनाएको छ ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

श्यामशितल परियार

श्यामशितल परियार उज्यालोकाे लमजुङ र मनाङ जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्