काठमाण्डौमा आज यो वर्षकै सबैभन्दा कम तापक्रम मापन
मंसिर १८, २०८१ मंगलबार
चुनाव हारेका वामदेव संसदमा किन चाहियो ?
काठमाडौं – तत्कालीन एमाले र माओवादी केन्द्रबीच गठबन्धन बनाएर चुनावमा होमिने योजना बनाउनेमध्येका एक प्रमुख सूत्रधार वामदेव गौतम त्यही चुनावमा पराजित हुनुभयो ।
गएको मंसिरमा भएको प्रतिनिधिसभा चुनावमा बर्दिया क्षेत्र नम्बर १ बाट उम्मेदवार बनेका तत्कालीन एमालेका वामदेव गौतम कांग्रेस उम्मेदवार सञ्जय गौतमसँग पराजित हुनुभएको थियो ।
देशैभर वाम लहर चल्दा चुनाव हारेका गौतमलाई अहिले उपचुनावबाट संसदमा ल्याउन नेपाल कम्युनिष्ट पार्टी (नेकपा)ले आन्तरिक तयारी थालेको छ । पर्यटन राज्यमन्त्री रहेका नेकपाका सांसद धनबहादुर बुढालाई राजीनामा गर्न लगाएर डोल्पामा उपचुनाव गराई गौतमलाई उम्मेदवार बनाउने तयारी गरिएको हो ।
२०७० को दोस्रो संविधानसभामा तत्कालीन एमाले प्रवेश गरेर सभासद् समेत बनेका बुढा गएको मंसिरमा भएको चुनावमा पनि ११ हजार ७ सय ६१ मत ल्याउँदै विजयी हुनुभएको हो । एमाले प्रवेश गर्नुअघि बुढा लामो समय राप्रपाको राजनीतिमा हुनुहुन्थ्यो ।
अहिले तिनै बुढालाई सांसदबाट राजीनामा गर्न लगाएर डोल्पामा उपचुनाव गराई गौतमलाई उम्मेदवार बनाउने नेकपाले आन्तरिक तयारी थालेको हो ।
वामदेव नै किन ?
तत्कालीन एमाले र माओवादी केन्द्र एक भएर चुनावमा होमिँदै गर्दा माओवादी अध्यक्ष पुष्पकमल दाहाल प्रचण्डले पार्टी एकता भएको खण्डमा आफ्नो तर्फबाट भावी प्रधानमन्त्रीमा गौतमलाई अघि सार्ने प्रतिवद्धता जनाउनुभएको थियो ।
अहिले पार्टी पनि एक भइसकेको छ । अहिल्यै प्रधानमन्त्री परिवर्तन नभए पनि गौतमलाई संसदमा ल्याउन पाए आफू बलियो बन्ने बुझाइ प्रचण्डमा रहेको देखिन्छ ।
दाहाल र गौतमको निकटता लामो समयदेखिकै हो । गौतमकै शब्दमा भन्नुपर्दा ‘प्रचण्डसँगको दोस्ती पुरानो हो, पार्टी एकतापछि त झनै गाढा बनेको छ ।’ उता प्रधानमन्त्री समेत रहेका पार्टी अध्यक्ष केपी ओलीले पनि संसदमा तपाईँको आवश्यकता परेको भन्दै सांसद बनाउने आश्वासन गौतमलाई दिइसक्नुभएको छ ।
चुनावका बेला वाम गठबन्धनको जितको लहरमा वामदेव ‘मिस’ हुँदा गठबन्धनका मुख्य दुबै धार एमाले र माओवादी पंक्ति खिन्न थियो । वामदेव दुई पार्टीको मिलनका सेतु हुनुहुन्थ्यो ।
चुनाव हारे पनि दुबै पार्टीलाई एक गराउने सवालमा खेलेको भूमिकाले गर्दा गौतम तत्कालीन एमाले र माओवादीभित्र प्रशंसाको पात्र बन्नुभयो । त्यसैले अहिले वामदेवलाई जसरी पनि सांसद बनाउने तयारीमा नेकपा लागेको हो ।
‘मेरो अनुभव नै संसद छिर्ने बाटो’
गौतमले आफूसँग २०४८ देखि पटक पटकको संसदमा रहँदाको अनुभव रहेकाले पार्टीले अहिले पनि संसदमा लैजान खोजेको बताउनुभयो । २०४८, २०५१ र २०७० मा सांसदको रुपमा काम कारवाही सफल बनाउन आफूले महत्वपूर्ण भूमिका खेलेको बताउँदै गौतमले अहिले पनि पार्टीले आफ्नो आवश्यकता देखेरै संसदमा लैजाने तयारी गरेको खुलाउनुभयो ।
संविधान निर्माण, शान्ति प्रकृया र गणतन्त्र ल्याउन आफूले निकै ठूलो भूमिका निर्वाह गरेको भन्दै गौतमले अहिलेको संसद सफल बनाउन पनि पाएको भूमिका कुशलतापूर्वक निर्वाह गर्न तयार रहेको बताउनुभयो । संसदलाई दिशा दिन सक्ने, सबैलाई मिलाएर हिँड्ने आफूजस्तो नेताको अहिले खाँचो रहेको उहाँको दावी छ ।
नागरिकले चुनावमा पराजित गराईदिएको भए पनि फेरि सांसद हुन किन मरिहत्ते गरेको भन्ने जिज्ञासामा गौतमले आफू हारेको नभई प्राविधिक कारणले मात्रै पछि परेको र अब यतिकै संसद छिर्ने नभई नागरिकबाटै अनुमोदन भएर जाने बताउनुभयो ।
मलाई जानकारी नै छैन : बुढा
गौतमलाई अहिले पर्यटन राज्यमन्त्री समेत रहेका नेकपाका सांसद धनबहादुर बुढालाई राजीनामा गर्न लगाएर डोल्पामा उपचुनाव गराई उम्मेदवार बनाउने आन्तरिक तयारी गरिएको छ ।
तर राज्यमन्त्री बुढाले भने राजीनामाबारे अहिलेसम्म आफूलाई कुनै जानकारी नभएको बताउनुभयो ।
पार्टीले के निर्णय गर्छ त्यसै अनुरुप अघि बढ्ने भन्दै बुढाले आफ्नो योगदान पार्टीले कदर गर्ने विश्वास पनि व्यक्त गर्नुभयो ।
डोल्पाली युवाको आपत्ति
यता डोल्पाका युवाहरुले भने सांसद धनबहादुर बुढालाई राजीनामा गराउने षड्यन्त्र भएको भन्दै यो कुरा आफूहरुलाई मान्य नहुने चेतावनी दिइसकेका छन् ।
सांसद बुढालाई राजीनामा गराएर त्यस क्षेत्रमा बर्दियाबाट चुनाव हारेका नेकपाका नेता गौतमलाई उपनिर्वाचनमार्फत् संसदमा ल्याउन चलखेल भएको भन्दै उनीहरुले आपत्ति जनाएका हुन् ।
युवाहरुले गएको शुक्रबार काठमाडौंमा पत्रकार सम्मेलन नै गरेर यस्तो चेतावनी दिएका हुन् । सांसद बुढाले डोल्पाली नागरिकको विश्वास जितेको र उनलाई पाँच वर्षसम्म काम गर्न दिन पनि युवाहरुले नेतृत्वको ध्यानाकर्षण गराइसकेका छन् ।
चुनावमा पराजित भएका नेता गौतमलाई सांसद बनाए त्यो नेकपाकै लागि पनि इतिहासको सबैभन्दा ठूलो कलंक हुने युवाहरुको तर्क छ । डोल्पाका स्थानीयले पनि बुढा आफ्ना प्रतिनिधि भएकाले उहाँलाई बाध्यतामा पारेर राजीनामा नगराउन चेतावनी दिइसकेका छन् ।
उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।
नवराज फुयाँल
फुयाँल सञ्चारकर्मी हुनुहुन्छ । उहाँ राजनीति, विकास निर्माण र समसामयिक विषयमा कलम चलाउनु हुन्छ। 
3 Comments
समाचार
-
-
अन्तर्राष्ट्रिय अपाङ्गता दिवस : कानूनी रूपमा अधिकार सुरक्षित, व्...
मंसिर १८, २०८१ मंगलबार
-
यू–१९ एशिया कपमा नेपालले आज अफगानिस्तानसँग खेल्दै
मंसिर १८, २०८१ मंगलबार
-
पालिका उपचुनावको अन्तिम परिणाम : कहाँ, कुन पार्टीले जिते ? ...
मंसिर १८, २०८१ मंगलबार
-
प्रधानमन्त्री ओली र चिनियाँ उच्च नेतृत्वबीच आज भेटवार्ता हुने
मंसिर १८, २०८१ मंगलबार
-
इजरायल र लेबनान दुवै पक्षद्वारा युद्धविरामको उल्लङ्घन, आक्रमण तीव्र
मंसिर १८, २०८१ मंगलबार
-
एनपीएलमा आज सुदूरपश्चिम र विराटनगर तथा चितवन र पोखराबीच खे...
मंसिर १८, २०८१ मंगलबार
-
उपचुनाव : १७ पद जितेको कांग्रेसलाई धक्का, माओवादी ११ पदसहित...
मंसिर १८, २०८१ मंगलबार
-
हुम्लाको सर्केगाडमा माओवादीकी तिमल्सिना विजयी, एमाले तेस्रो
मंसिर १८, २०८१ मंगलबार
-
दोलखाको गौरीशंकरको उपाध्यक्षमा एमालेकी शेर्पा विजयी, कांग्रेस...
मंसिर १८, २०८१ मंगलबार
-
कीर्तिपुरको मेयरमा कांग्रेस विजयी
मंसिर १७, २०८१ सोमबार
-
पालिका उपचुनाव : ३७ पदको नतिजा सार्वजनिक, अब ४ वटाको बाँकी
मंसिर १७, २०८१ सोमबार
-
ठेकेदारले पार्टी चलाउँदा विकास निर्माण भताभुङ्ग भयो
मंसिर १७, २०८१ सोमबार
-
कैलाली र कञ्चनपुरमा गिद्धको गुँड अनुगमन शुरू
मंसिर १७, २०८१ सोमबार
विचार
-
ठेकेदारले पार्टी चलाउँदा विकास निर्माण भताभुङ्ग भयो
मंसिर १७, २०८१ सोमबार
-
महिला हिंसाविरुद्धका कानून बने, कार्यान्वयन भएनन्
मंसिर १२, २०८१ बुधबार
-
पहिलो रेटिङमै नेपालले सुखद नतिजा पायो, सदुपयोग र निरन्तर स...
मंसिर ९, २०८१ आइतबार
मेरो कथा मेरो भोगाई
-
युवाहरुलाई कृषि पेशामा लाग्न प्रेरित गरौँ
भदौ १९, २०८१ बुधबार
-
श्रमको लगानी स्वदेशमै गर्नुपर्छ
बैशाख १८, २०८१ मंगलबार
-
आधुनिक खेती गर्न सकेमा युवा जनशक्ति देशमै परिचालन गर्न सकिन्छ
चैत १६, २०८० शुक्रबार
shiva rai
Aug. 8, 2018, 12:18 p.m.अरुबेला बालदिने चुनावकोबेला राज्यशक्तिको रवाफ देखाउदै सेन-प्रहरिको लावालस्कर लिएर धुलो उडाउदै चुनाबि क्षेत्र घुम्ने नेता बामपन्थी हुनसक्दैन .. बाम कमरेडको पतनको कारणै त्यही हो .. र यिनी नसुध्रिए अझै जनताले हराइदिनुपर्छ ।
Hari bahadur khdka
Aug. 8, 2018, 9:37 a.m.यो कुरा हुँदैन , हामी मान्दैनौं /
Aanis
Aug. 8, 2018, 3:54 a.m.Baseball dolpali janatala k k Harlan heru,sachet hi dolpali janata how.