दैलेख : आत्महत्या गरेका युवकमा कोरोना पुष्टि

असार ११, २०७७ बिहीबार २१:१८:२९ | अमर सुनार

दैलेख – आत्महत्या गरेका दुल्लु नगरपालिका-१० गमौडीका २१ वर्षीय युवकमा कोरोना सङ्क्रमण पुष्टि भएको छ ।

बुधबार बिहान घरमै आत्महत्या गरेका युवक क्वरेण्टीनबाट फर्किएको जानकारीको आधारमा दुल्लु अस्पतालले स्वाब सङ्कलन गरी कर्णाली प्रदेश प्रयोगशालामा पठाएको थियो ।

नोजल स्वाब पठाएकोमा बिहीबार प्रयोगशालाले आत्महत्या गरेका ती युवकसमेत दैलेखका २६ जना नयाँ सङ्क्रमित थपिएको जनाएको दुल्लु अस्पतालका इञ्चार्ज डा. पूजा बीसीले जानकारी दिनुभयो ।

एकजना थपिएसँगै दैलेखमा मृत्यु हुने कोरोना सङ्क्रमितको सङ्ख्या तीन पुगेको छ । यसअघि क्षयरोगको उपचार गराउन कर्णाली प्रदेश अस्पताल भर्ना भएका दुल्लु नगरपालिका ३ नेपा गाउँका ४५ वर्षीय पुरुषको असार ९ गते र वडा नं. १० कालभैरवका ३५ वर्षीय पुरुषको गएको जेठ १७ क्वरेण्टीनमा मृत्यु भएको थियो ।

मृतक तीन जनामध्ये आत्महत्या गरेको यी युवकको ज्यान गइसकेपछि र अरु दुई जनाको नोजल स्वाब लिइएको तर पीसीआर रिपार्ट नआउँदै मृत्यु भएको थियो । गएको जेठ ११ गते गाउँ पुगेका ती युवकले १४ दिन क्वरेण्टीनमा बसी घर फर्किएको १६ दिनमा आत्महत्या गरेका हुन् ।

कोरोना सङ्क्रमितको शव व्यवस्थापन नेपाली सेनाले गर्ने सरकारको नीति भएको कारण ती युवकको शव दुल्लु अस्पतालमै रहेको बताइएको छ ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

अमर सुनार

दैलेखका उज्यालो सहकर्मी अमर सुनार मानवअधिकारको क्षेत्रमा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्