गोरुसिङ्गे–सन्धिखर्क सडक ४ दिनदेखि अवरुद्ध, २१ घर पहिरोको जोखिममा

असार ८, २०७७ सोमबार १५:४१:३२ | प्रेमनारायण आचार्य

अर्घाखाँची – अर्घाखाँचीको नरपानीमा शुक्रबार राति गएको पहिरो खस्ने क्रम नरोकिएपछि गोरुसिङ्गे–सन्धिखर्क सडक चार दिनदेखि अवरुद्ध भएको छ ।

चार दिनदेखि परेकाे अविरल वर्षाका कारण गोरुसिङ्गे–सन्धिखर्क सडकको नरपानी र खाँची खोलाको बीचमा पहिरो गएको हो । चार दिनदेखि पहिरो पन्छाउने काम भइरहे पनि पहिरो खस्ने क्रम नरोकिएकाेले सडक खुलाउन नसकिएको प्रमुख जिल्ला अधिकारी विजयराज पौडेलले जानकारी दिनुभयो ।

सडक बन्द हुँदा कुनै पनि गाडी आवत जावत गर्न नपाएको जिल्ला प्रहरी कार्यलयका प्रहरी नायब उपरीक्षक (डीएसपी) माधव बुढाथोकीले जानकारी दिनुभयो । लगातारको वर्षापछि अर्घाखाँचीका अधिकांश ग्रामीण सडक अवरुद्ध छन् भने विभिन्न ठाउँका बस्ती उच्च जोखिममा परेका छन् । पहिरोकाे कारण दर्जनौँ परिवार विस्थापित भएका छन् ।

लगातारको वर्षाले सन्धिखर्क नगरपालिका र पाणिनि गाउँपालिकामा दुई घर बगाएको छ । जिल्लाभर २१ घर पहिरोको उच्च जोखिममा परेपछि उनीहरु छिमेकीको घरमा बसेका छन् ।

वर्षाकाे कारण पाणिनि गाउँपालिकाको दुर्गा खोलामा निर्माण हुन लागेको पुल र मालारानी र सन्धिखर्क जोड्न निर्माण गरिएको पुलमा क्षति भएको छ ।

अन्तिम अपडेट: मंसिर १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

प्रेमनारायण आचार्य

प्रेमनारायण आचार्य अर्घाखाँची उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्