बझाङमा यार्सा सङ्कलन गर्न जाने बढे

असार ४, २०७७ बिहीबार २०:३५:३२ | डीबी बिष्ट

बझाङ – यार्सा सङ्कलन गर्न बन्द गरिएको भए पनि लुकीछिपी यार्सा सङ्कलन गर्न लेक जानेहरुको क्रम बढ्दै गएको छ । बझाङको सुर्मा गाउँपालिका, सैपाल गाउँपालिकालगायतका अन्य पालिकाबाट यार्सा सङ्कलन गर्न लेक जानेकाे क्रम बढेको हाे ।

तीन महिना यार्सा सङ्कलन गरे वर्षभरि बालबालिकाको पढाइ खर्च, दैनिक उपभोग्य वस्तुहरु समेत खरिद गर्ने भएका कारण स्थानीयवासी यार्सा टिप्न जाने गरेको स्थानीय दिनेश बाेहाेराले बताउनुभयो ।

नेपाल सरकारको मन्त्रिपरिषद्को बैठककाे निर्णयले काेराेना महामारीकाे कारण यार्सा सङ्कलनमा रोक लगाएकाे थियाे । गाउँपालिका, प्रशासन, डिभिजन वन कार्यालयलगायतले समेत यार्सा सङ्कलन नगर्न पटक-पटक आग्रह गर्दै आएको छ । यार्सा सङ्कलन नगरे भोकमरीको अवस्था सिर्जना हुने भन्दै लुकीछिपी जानेको सङ्ख्या बढ्दै गएको स्थानीय जनप्रतिनिधिले बताएका छन् ।

सुर्मा गाउँपालिकाका अध्यक्ष नन्दबहादुर बोहोराले यार्सा टिप्न नजान आग्रह गर्दै माइकिङ गरेको जानकारी दिनुभएको छ । यद्यपी, जङ्गलमा सबै एक ठाउँमा नबस्ने भएकाेले कोरोना सङ्क्रमणको सम्भावना कम हुने उहाँको बुझाइ छ ।

डिभिजन वन कार्यालय बझाङका कार्यालय प्रमुख कर्णबहादुर कठायतले यार्सा सङ्कलन गर्न जाने क्रमलाई कम गर्न जिल्लाबाट वनरक्षकसहितको टोली जङ्गल पठाइएको जानकारी दिनुभएको छ । उहाँले सरकारलाई यसबारे पत्राचार गरेको जानकारी दिनुभयो ।

प्रमुख जिल्ला अधिकारी कमलराज भण्डारीले प्रहरी परिचालन गरी नाै जनालाई पक्राउ गरेर डिभिजन कार्यालय पठाइएको बताउँदै नियम विपरीत कार्य गर्नेलाई कारबाही गरिने बताउनुभएको छ ।

अन्तिम अपडेट: मंसिर १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

डीबी बिष्ट

डीबी बिष्ट बझाङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्