भुल्केका सबै सङ्क्रमित निको, पूर्वाञ्चल विश्वविद्यालयमा कोरोना अस्पताल सुरु

जेठ २३, २०७७ शुक्रबार ६:४२:१७ | सुमन तिमल्सिना

मोरङ - प्रदेश १ मा पहिलो पटक उदयपुरको भुल्केमा भेटिएका कोरोना सङ्क्रमितहरु सबै निको भएर घर ग्फर्केका छन् ।

गएको वैशाख ५ गते उदयपुरको भुल्केमा सङ्क्रमण देखिएको थियो । उदयपुरमा सङ्क्रमण देखिएका ३३ जना नै डिस्चार्ज भएसँगै भुल्के सङ्क्रमणको अन्त्य भएको सामाजिक विकास मन्त्री जीवन घिमिरेले बताउनुभयो ।

कोशी अस्पताल कोभिड १९ उपचार केन्द्रमा उपचाररत २७ जनालाई डिस्चार्ज गर्दै मन्त्री घिमिरेले सो कुरा बताउनुभएको हो । उहाँले जिल्ला अस्पताल धनकुटामा देखिएको सङ्क्रमणको पनि अन्त्य भएको बताउनुभयो । अस्पतालका ४ जना आज डिस्चार्ज भएसँगै अस्पतालभित्रको सङ्क्रमण पनि अन्त्य भएको मन्त्री घिमिरेले बताउनुभयो ।

धनकुटा जिल्ला अस्पतालभित्रको सङ्क्रमणको अध्ययन भइरहेको उहाँले बताउनुभयो । मन्त्री घिमिरेले भन्नुभयो, ‘अस्पतालभित्र कसरी सङ्क्रमण भयो भनेर अध्ययन भइरहेको छ ।’

गोठगाउँमा कोरोना अस्पताल शुरु

सुन्दरहरैंचाको गोठगाउँमा रहेको पूर्वाञ्चल विश्वविद्यालयको मेडिकल कलेजमा बिहीबारदेखि कोरोना अस्पताल सञ्चालनमा ल्याइएको छ । सामाजिक विकासमन्त्री घिमिरेले सङ्क्रमण देखिएकाहरुलाई गोठगाउँमा उपचार गर्नेगरी २ सय बेडको कोरोना अस्पताल सञ्चालनमा ल्याइएको जानकारी दिनुभयो ।

उहाँका अनुसार गोठगाउँपछि मेची अस्पतालमा कोरोना उपचार केन्द्र सञ्चालनको तयारी भइरहेको छ । कोरोनाको प्रकोप अझै बढ्ने देखिएसँगै विभिन्न स्थानमा उपचार केन्द्र निर्माणको काम भइरहेको मन्त्री घिमिरेले बताउनुभयो ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुमन तिमल्सिना

सुमन तिमल्सिना मोरङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्