लकडाउनको पाँचौँ दिन , काठमाण्डौ उपत्यका सुनसान

चैत १५, २०७६ शनिबार १७:२२:३८ | मल्लिका थापा

काठमाण्डौ – देशभर लगाइएको ‘लकडाउन’ को पाँचौ दिन शनिबार अत्यावश्यक र जिल्ला प्रशासन कार्यालयबाट अनुमति लिएका सवारी साधन चलिरहेका छन् । सरकारले लागु गरेको लकडाउन उल्लङ्घन गर्ने एक सय १६ वटा गाडीलाई ट्राफिक प्रहरीले नियन्त्रणमा लिएको छ ।

शनिबार दिउँसो १ बजेसम्म एक सय १० ओटा दुई पाङ्ग्रे र ६ वटा चार पाङ्ग्रे सवारीसाधनलाई काठमाण्डौ उपत्यकाका विभिन्न ठाउँबाट ट्राफिक प्रहरीले नियन्त्रणमा लिएको हो । लकडाउनको अवधिमा आफूखुसी चलाउने सवारीसाधनलाई ट्राफिक प्रहरीले नियन्त्रणमा लिएको हो ।

यस्तै लकडाउनको अवज्ञा गर्ने चार सय ८३ जनालाई पनि काठमाण्डौ उपत्यकाका विभिन्न ठाउँबाट प्रहरीले पक्राउ गरेको छ । कोरोना भाइरस (कोभिड १९) न्यूनीकरणका लागि सरकारले एक हप्ताका लागि देशभर लकडाउन गरेसँगै अत्यावश्यक काम बाहेक सर्वसाधारणलाई घरबाट बाहिर निस्कन समेत प्रतिबन्ध लगाएको छ ।

साथै गएको चैत ६ गतेबाट सबै विद्यालय बन्द भएपछि काठमाण्डौ उपत्यकाबाट बाहिर जानेको सङ्ख्या ह्वात्तै बढेको थियो । चैत ६ गतेयता काठमाण्डौबाट सात लाख ४९ हजार तीन सय ८० जना बाहिरिएका छन् । यस्तै दुई लाख ५९ हजार चार सय ४१ जना विभिन्न जिल्लाबाट काठमाण्डौ उपत्यका भित्रिएका महानगरीय ट्राफिक प्रहरी महाशाखा प्रमुख, प्रहरी वरिष्ठ उपरीक्षक (एसएसपी) भीम ढकालले जानकारी दिनुभयो ।

उहाँका अनुसार यस अवीधमा एक लाख १३ हजार चार सय १२ वटा ठूलासाना गाडी उपत्यकाबाट बाहिरिँदा ६७ हजार तीन सय ४४ वटा गाडी उपत्यका भित्रिएका छन् ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

मल्लिका थापा

थापा उज्यालाेमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

लकडाउनको पाँचौँ दिन , काठमाण्डौ उपत्यका सुनसान

फाइल फाेटाे

तपाईको प्रतिक्रिया