आँखा अस्पतालको भवनलाई क्वारेन्टाइनका रुपमा प्रयोग गरिने

चैत १२, २०७६ बुधबार १४:०:५४ | सुमित्रा कोइराला

उदयपुर – कोरोना भाइरस (कोभिड १९) को सम्भावित सङ्क्रमणलाई रोक्न मदन भण्डारी आँखा अस्पताल उदयपुरको भवनलाई क्वारेन्टाइन बनाइने भएको छ ।

अस्पतालको भवन बनिसकेको भए पनि त्यो भवनमा अस्पताल सञ्चालन गर्न केही समय लाग्ने भएकाले खाली रहेको भवनलाई क्वारेन्टाइन बनाएर सेवा दिने निर्णय गरिएको नेत्रज्योति सङ्घ उदयपुरका अध्यक्ष भागवत राउतले जानकारी दिनुभयो ।

उहाँले भन्नुभयो, ‘यो भवन क्वारेन्टाइन र आइसोलेशनको लागि उपयुक्त छ ।’

४२ कोठे भवनको पहिलो तलाको सम्पूर्ण काम सकिएको अस्पतालले जनाएको छ । माथिल्लो तलाको झ्यालहरुमा आल्मोनियमको पल्ला हाल्न बाँकी रहेकोले त्यसलाई तीनदेखि चार दिनसम्ममा सम्पन्न गरी सञ्चालनमा ल्याउन सकिने अध्यक्ष राउतको भनाइ छ ।

अस्पतालको भवनलाई आइसोलेशनको रुपमा प्रयोग गर्ने हो भने पनि ५० जना बिरामी सजिलै राखेर उपचार गर्न सकिने उहाँले बताउनुभयो ।

महामारी नियन्त्रणका लागि सबैको भूमिका अपरिहार्य भएकाले अस्पतालको कार्य समितिले यो निर्णय गरेको हो । निर्णय प्रदेश नम्बर १ मुख्यमन्त्री कार्यालयमा पठाइसकिएको र प्रदेश सरकारले पनि भवन प्रयोग गर्न सक्ने जनाएको अध्यक्ष राउतले बताउनुभयो ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुमित्रा कोइराला

सुमित्रा कोइराला उदयपुरका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्