वायु प्रदूषण र बच्ने उपाय

फागुन १४, २०७६ बुधबार १७:४०:३६ | विना न्याैपाने

काठमाण्डाै - वायु प्रदूषणको बढ्दो मात्राले नेपालका विभिन्न सहर बसोबासका लागि अयोग्य हुँदै गएकाे तथ्याङक सार्वजनिक भएका छन् ।

गाडीको धुवाँ, इँटाभट्टालगायतका उद्योगको प्रदूषण, आगो बाल्दा निस्कने धुवाँ, निर्माणका बेला सावधानी नअपनाउनुलगायतका कारणले हावामा प्रदूषणको मात्रा बढिरहेको छ । जसका कारण केही सहर बसोवासका लागि अयोग्य भएको वातावरण विभागले जनाएको छ ।

श्व स्वास्थ्य सङ्गठनले बसोवासका लागि हावामा प्रदूषणको मात्रा अक्वा २५ तोकेको छ भने अक्वा ४० सम्म बसोवासयोग्य हुने बताएको छ । तर अहिले बारा जिल्लाको सिमराको अक्वा १ सय ८९ पुगेको छ । यस्तै, सुनसरी जिल्लाको झुम्काको १ सय ७३, ललितपुरको पुल्चोकमा १ सय ५६ र ललितपुरकै भैंसेपाटीको अक्वा १ सय ५२ रहेको वातावरण विभागले जनाएको छ ।

यस्तै, काठमाण्डौको रत्नपार्क र झापाको दमकको अक्वा १ सय ३९ पुगेको छ । मानवीय गतिविधिका कारण हावामा प्रदूषणको मात्रा बढिरहेकोले प्रदूषण कम गर्न दैनिक क्रियाकलापमै सुधार गर्नुपर्ने वातारण विभागका उपनिर्देशक इन्दुविक्रम जोशीले बताउनुभयो । उहाँले सकेसम्म कम आगो बाल्न, गाडीमा प्रदूषणको अवस्था जाँच गरी मर्मत गर्न र उद्योगमा प्रदूषण कम गराउने प्रविधि जडान गर्न सुझाव दिनुभयो ।

हावामा प्रदूषणको मात्रा धेरै हुँदा मुटु, फोक्सो तथा रगतमा असर गरी विभिन्न किसिमका रोगहरु लाग्ने मुटुरोग विशेषज्ञ डाक्टर अनिल भट्टराईले जानकारी दिनुभयो । सकेसम्म प्रदूषण भएको ठाउँमा हिड्डुल गर्न नहुने र बाहिर निस्कँदा मास्क लगाउनुपर्ने डाक्टर भट्टराईको भनाइ छ ।

वायु प्रदूषण बढ्ने कारण

-पेट्रोलियम पदार्थबाट चल्ने गाडीले उत्पादन गरेको धुवाँले
-विकास निर्माणका कार्यबाट उत्पादन भैरहेको धुलोले
-फोहोर र कृषिजन्य पदार्थ जलाउँदा निस्कने धुवाँले
-इँट्टाभट्टाबाट निस्कने धुवाँले

वायु प्रदूषणले गर्ने असर

१. तत्काल पार्ने असर
-छाला चिलाउने
-आँखा चिलाउने
-खोकी लाग्ने
-हाच्छिउँ आउने
-छाती घ्यारघ्यार हुने
-श्वास फेर्न गाह्रो हुने

२. दीर्घकालीन असर

-श्वासप्रश्वास र रक्तनलीमा समस्या हुने
-लामो समयसम्म दमको समस्या हुने
-फोक्सोको क्यान्सर हुने सक्ने
-रक्तनलीमा असर गर्न सक्ने
-रगत जम्ने समस्या निम्त्याउन सक्ने
-मुटु रोग र हृदयाघात हुन सक्ने
-क्यान्सर र मस्तिष्क घात हुन सक्ने

वायु प्रदूषणबाट बच्ने उपाय

-घरबाहिर निस्कने बित्तिकै मास्क लगाउने
-बिहान र बेलुका मर्निङवाक र इभिनिङवाक नगर्ने
-मानवबस्ती वरिपरि प्लाष्टिक तथा धुँवाजन्य निस्किने वस्तु नजलाउने
-पुराना वा धेरै धुँवा निकाल्ने सवारी साधन प्रतिबन्धित गर्ने
-उद्योगधन्दा र कलकारखाना मानवबस्तीबाट टाढा राख्ने
-सडक, गल्ली, नदी, खोला, ताल र पोखरीमा फोहोर नफाल्ने
-ढल निकासको उचित व्यवस्था गर्ने

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विना न्याैपाने

विना न्याैपाने उज्यालाेमा कार्यरत हुनुहुन्छ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्